Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń eń úzdik jastary 20 nomınatsııa boıynsha anyqtaldy

2021 jyldyń 30 qarasha 2021 01:34

TALDYQORǴAN. QazAqparat - Almaty oblysynda joǵary jetistikterge qol jetkizgen óńir jastaryna Almaty oblysy ákiminiń «Kóshbasshy - 2021» jastar syılyǵy tabystaldy, dep habarlaıdy QazAqparat tilshisi.

Máselen, «Úzdik jas memlekettik qyzmetshi» atalymynyń jeńimpazy – Merjan Tólegenov. Taldyqorǵan qalasynyń turǵyny Respýblıka kóleminde ótken konkýrstar jeńimpazy.

Al «Jas áskerı qyzmetker» júldesi Alakól aýdanynyń turǵyny Mýrod Mahametovke buıyrdy. Ol QR Qorǵanys mınıstrinen erligi men batyldyǵy úshin ataýly shendermen marapattalǵan, Taekvando sport túrinen sport sheberi, Armııalyq jekpe-jek urysynan sport sheberi.





«Úzdik jas dáriger» júldesin Eskeldi aýdanynyń turǵyny Tkenbaev Saıat jeńip aldy. Eskeldi aýdandyq ortalyq aýrýhanasynyń emhana meńgerýshisi, jalpy tájirbıelik dáriger. «Eńbek joly» oblystyq konkýrsynda «Óndiristiń úzdik jas mamany» nomınatsııasy boıynsha ІІ oryn jeńimpazy.

«Úzdik jas ustaz» nomınatsııasyn Kerbulaq aýdanynyń turǵyny Álisher Kárimjanov ıelendi. Ol «Jas ǵalym» ǵylymı-zertteý joba jarysynda jaratylystaný baǵyty boıynsha I oryn alǵan. Aýdan, oblys kóleminde qurmet gramotalarmen marapattalǵan.

«Úzdik jas ǵalym» atalymy taldyqorǵandyq Ǵalymjan Ahmetke buıyrdy. Ol QR Aqparat jáne qoǵam damytý mınıstrliginiń «Tutynýshylardyń quqyqtaryn qorǵaý» taqyrybynda jobalyq grantqa qatysyp, 15 stýdentke dáris oqyp, praktıka júzinde qoǵammen jumys júrgizgen.





«Úzdik jas sportshy» nomınatsııasyn Eskeldi aýdanynyń turǵyny Abdýllın Ilfat jeńip aldy. Ol 2017 jyly Jazǵy ýnıversıadada I oryndy ıelengen jáne kelesideı jetistikterge qol jetkizgen: jyldyń eń úzdik sportshysy, 2018, 2019, 2020,2021 jyldary; Indonezııada ótken 18-shi Azııa oıyndarynda 5-oryn; Tokıoda ótken Olımpıada oıyndarynyń qatysýshysy;

«Úzdik jas jýrnalıst» atalymy Taldyqorǵan qalasynyń turǵyny Kámshat Muhamedjanǵa buıyrdy. Ol 2020 «Aqparat taratýdaǵy úzdik tilshi» nomınatsııasyn (Túrkitildes jýrnalıster qory) jeńip alǵan jáne kelesideı jetistikterge jetken: - 2019 jyly «Memlekettik til jáne BAQ» oblystyq baıqaýy І oryn; 2019 jyly «Memlekettik qyzmetti BAQ-ta nasıhattaý» boıynsha jýrnalıster arasyndaǵy oblystyq baıqaý ІІІ oryn; memlekettik jáne jergilikti organdar basshylarynyń alǵys hattarymen, qurmet gramotalarymen marapattalǵan.

«Úzdik jas kásipker» – Janat Tátibaev (Kegen aýdany). Ol «Hasan» balabaqshasynyń dırektory, «Chıken» sýshı ortalyǵynyń dırektory; Aýdan kóleminde «Úzdik jas kásipker» nomınatsııasymen marapattalǵan.





«Úzdik jas batyr»– Baýyrjan Qabıdollanov (Tekeli qalasy). Ol Tekeli qalasynda ornalasqan kópqabatty turǵyn úı páterleriniń birinen 65 jastaǵy er adamdy alyp shyqty. Ýly gazdyń ıisinen ýlanǵan er adamdy óziniń qymbat mınýttaryn joǵaltpaı páterge balkon arqyly kirip, qart adamdy evakýatsııalaǵan; Almaty oblysy TJD bastyǵy azamattyq qorǵaý polkovnıginiń alǵys hatymen marapattalǵan.

Al «Aýyl sharýashylyǵynyń úzdik mamany»– Almaz Batyrhan (Panfılov aýdany). Ol Mal sharýshylyǵy, sonyń ishinde eshki sharýashylyǵymen 2012 jyldan beri aınalysyp keledi, sonymen qatar asyl tuqymdy jylqy ósiredi. «Zhas project» jobasy boıynsha qaıtarymsyz 1 mln teńgelik grantyn utyp alǵan; «Bıznestiń jol kartasy» jobasy aıasynda 2,5 mln grant utyp alǵan.





«Úzdik jas otbasy» júldesin Núrpeısovtar otbasy (Sarqan aýdany) jeńip aldy. Shańyraq ıesi -Nýrpeısov Abaı Serikqazyuly. Bul januıa oblystyq, aýdandyq «Jas otaý» jas otbasylar baıqaýynda Bas júldeni qanjyǵalaryna baılaǵan. Jas otbasy 3 balany tárbıeleýde. 6 jyl buryn shańyraq kótergen. Otaǵasy da, jary da mektepte ustaz bolyp jumys isteıdi.

Sonymen qatar, «Úzdik erikti», «Úzdik stýdent» syndy barlyǵy 20 nomınatsııa boıynsha úzdikter marapattaldy.

Ár jeńimpazǵa 250 myń teńgeniń aqshalaı sertıfıkaty jáne «Kóshbasshy» músinshesi tabystaldy. Aıta keteıik, «Kóshbasshy» baıqaýy Almaty oblysynda 2010 jyldan bastap jyl saıyn uıymdastyrylyp keledi.


Avtor Samal Qabysheva
Basty sózder: Aımaq, Almaty oblysy, Jastar, Qoǵam,
Joǵary qaraı