Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń basqarma basshysy 33 myń dollar para aldy degen kúdikke ilindi

2021 jyldyń 21 shilde 2021 09:34

ALMATY OBLYSY. QazAqparat – Almaty oblysynyń kásipkerlik jáne ındýstrııalyq-ınnovatsııalyq damý basqarmasynyń basshysy men merdigerlik uıymnyń basshylarynyń ústinen asa aýyr sybaılas jemqorlyq qylmys jasady degen kúdikpen sotqa deıingi tergeý bastaldy, dep habarlaıdy QazAqparat tilshisi.

Tergeýdi Almaty oblysy sybaılas jemqorlyqqa qarsy qyzmetiniń mamandary júrgizip jatyr.

Basqarma basshysy jaýapkershiligi shekteýli seriktestikti nysan qurylysy boıynsha memlekettik satyp alý konkýrsynyń jeńimpazy dep «tanyǵan». Satyp alý shartynyń quny 666 mln teńge bolsa, sonyń 15%-yn, «keri qaıtarý» retinde aldyn ala kelisilgen 90 mln teńgeden 33 500 AQSh dollary somasynda para alýda kúdikke ilindi. Eń bastysy, atalmysh nysan «Bıznestiń jol kartasy-2025» memlekettik baǵdarlamasy aıasynda bólingen qarajatqa salynǵan.

«Laýazymdy tulǵa, merdiger uıymnyń quryltaıshysy men dırektory asa iri kólemde para alýǵa qatysty degen kúdikpen ustalyp, Almaty oblysynyń ýaqytsha ustaý ızolıatoryna qamaldy. Bultartpaý sharasyn máselesi talqylanyp jatyr. Tergeý jalǵasýda. Qylmystyq isti júrgizý kodeksiniń 201-babyn boıynsha tergeý múddesindegi basqa da málimetter jarııa etýge jatpaıdy», - dep jazady Sybaılas jemqorlyqqa qarsy is-qımyl agenttiginiń baspasóz qyzmeti.


Joǵary qaraı