Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynyń Balqash aýdanynda halyq sanaǵy elden buryn aıaqtaldy

2021 jyldyń 22 qazan 2021 20:15

BALQASh. QazAqparat - Almaty oblysynyń Balqash aýdanynda halyq sanaǵy aıasyndaǵy jumystar máresine jetti, dep habarlaıdy QazAqparat Ulttyq statıstıka bıýrosyna silteme jasap.

1 tamyzdaǵy jaǵdaı boıynsha munda 29791 adam turǵan.

Barlyq úılerdi aralaý jáne onlaın sanaq ótkizý nátıjesinde mundaǵy turǵyndar sany 29 796 (100,02%) qurady.

Onyń 24286-sy sanaqqa onlaın qatyssa, 5510-y ıntervıýerlerdiń saýaldaryna jaýap qatty. Saýalnama júrgizýge 30 sanaqshy jumyldyrylǵan bolatyn.

Aıta keteıik, óńirde sanaq jumystary belsendi júrip jatyr. Munda taǵy bir aýdanda jaqyn arada shara merziminen buryn aıaqtalady dep kútilýde.

Atap aıtqanda, Sarqan aýdanynda sanaqpen qamtylǵandar úlesi 96 protsentke jýyqtaǵan.

Esterińizge sala keteıik, sanaq saýaldaryna jaýap berýdiń eki ádisi qarastyrylǵan.

Ózińizge yńǵaıly ýaqytta sanaq.gov.kz saıty, E-gov portaly nemese Aitu mobıldi qosymshasy arqyly saýaldarǵa jaýap berý múmkindigi bar.

Sondaı-aq, 1 qazannan bastap ıntervıýerler úılerdi aralaýda.

Ulttyq statıstıka bıýrosy belsendilik tanytqan azamattarǵa alǵys aıta otyryp, sharaǵa atsalysýǵa shaqyrady.


Joǵary qaraı