Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndaǵy jappaı tóbeles: Qazir jaǵdaı turaqty

2021 jyldyń 28 qazan 2021 07:25

TALDYQORǴAN. QazAqparat - Almaty oblysynyń Panfılov aýdany Penjim aýylynda jappaı tóbeles bolyp, bir jasóspirim aýrýhanaǵa tústi, dep habarlaıdy QazAqparat.

Jappaı tóbelestiń vıdeosy áleýmettik jelide tarady. Jaǵdaıdy Almaty oblysynyń polıtsııa departamenti rastady.

«27 qazan kúni Panfılov aýdandyq ortalyq aýrýhanasy Penjim aýylyndaǵy mektep aýmaǵynan 16 jasar jasóspirim dene jaraqatymen kelip túsken. Tekserý barysynda 9 jáne 10-synypta oqıtyn eki oqýshynyń arasynda aýyzsha daý-damaı týyp, onyń sońy oqýshylar arasyndaǵy tóbeleske ulasqany jáne onyń saldarynan jasóspirimniń zardap shekkeni belgili boldy» delingen habarlamada.

Atalǵan fakti boıynsha QR QK 106-babynyń 2-bóligi negizinde qylmystyq is tirkeldi, janjalǵa qatysýshylardyń barlyǵy anyqtaldy.

Qazirgi ýaqytta zardap shegýshiniń jaǵdaıy turaqty, oǵan qajetti medıtsınalyq kómek kórsetildi.
Aýyl azamattary men aýdan ákimi, aqsaqaldar jáne Almaty oblysy PD bastyǵy tarapynan kezdesýler men túsindirý jumysy júrgizildi.

Qazirgi ýaqytta jaǵdaı turaqty jáne baqylaýda.





Avtor Janat Qapalbaeva
Basty sózder: Almaty oblysy, Oqıǵa,
Joǵary qaraı