Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndaǵy jaǵdaı: Qazaqstan halqy Assambleıasy málimdeme jasady

2021 jyldyń 28 qazan 2021 12:21

NUR-SULTAN. QazAqparat - Qazaqstan halqy Assambleıasy Almaty oblysyndaǵy jappaı tóbeleske baılanysty málimdeme jasady, dep habarlaıdy QazAqparat.

Búgin Qazaqstan halqy Assambleıasynyń resmı ókili Maııa Bekbaeva arnaıy málimdeme taratty.

«Qurmetti qazaqstandyqtar! Keshe kúndizgi ýaqytta Almaty oblysy Panfılov aýdany Penjim aýylynyń jergilikti mektebinde eki joǵary synyp túlekteriniń arasynda kelispeýshilik týyndap, oqýshylar arasynda tóbeleske ulasty.

Ókinishke qaraı, tóbeles barysynda oqýshylardyń biri zardap shekti, oǵan qajetti kómek kórsetildi. Ol qazir aýrýhanada dárigerlerdiń baqylaýynda.

Keshke aýylda jergilikti turǵyndar jınalyp, mektep aýmaǵynda bolǵan jappaı tóbeles saldarynan atalmysh jaǵdaıdyń oryn alýyna baılanysty narazylyq bildirdi.

Sonymen qatar keıbir jasóspirimder men jastar emotsııanyń jáne arandatýshylardyń áserinen birneshe jeke úı men kólikterdiń áınegin syndyrǵan.

Aýyl turǵyndary arasynda, etnosaralyq negizde qandaı da bir janjaldyń, ásirese qaqtyǵystardyń joq ekendigin jáne oǵan jol berilmeıtindigin erekshe atap ótkim keledi.

Jergilikti turǵyndar - qazaqtar da, uıǵyrlar da kóp jyldar boıy birge turyp keledi, bir biriniń dostary men kórshileri. Onyń barlyǵy shyn júrekten beıbitshilik pen tynyshtyqty qalaıdy.

Jergilikti atqarýshy jáne quqyq qorǵaý organdarynyń ókilderi, Qazaqstan halqy Assambleıasy Tóraǵasynyń Qoǵamdyq orynbasary Zákirjan Kúzıev, QHA hatshylyǵy jáne oblystyq ishki saıasat basqarmasynyń etnosaralyq qatynastar máseleleri jónindegi bóliminiń basshysy M.Batyrbekov jáne «Qoǵamdyq kelisim» KMM dırektory qoǵamdyq tártipti qamtamasyz etýde.

Olarmen birge aqsaqaldar, jıgıt-beshı, azamattyq qoǵam ókilderi jumys isteıdi.

Qazirgi ýaqytta Penjim aýylyndaǵy jaǵdaı turaqty».

Esterińizge sala keteıik, ótken táýlikte Panfılov aýdanyndaǵy Penjimde oqýshalar arasynda jappaı tóbeles bolǵanyn habarlaǵan bolatynbyz.

Almaty oblystyq polıtsııa departamenti baspasóz qyzmetiniń resmı aqparatyna sáıkes, atalǵan fakti boıynsha QR QK 293-babynyń 2-bóligi boıynsha qylmystyq is qozǵaldy.

Búgin dárigerler zardap shekken balanyń densaýlyǵy týraly aıtty.


Joǵary qaraı