Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndaǵy sút zaýytynyń ujymy 100 paıyz vaktsına aldy

2021 jyldyń 15 qyrkúıek 2021 02:45

TALDYQORǴAN. QazAqparat - Almaty oblysy, Úshtóbe qalasyndaǵy sút zaýytynyń ujymy 100 paıyz vaktsına aldy, dep habarlaıdy QazAqparat tilshisi.

Kásiporynda búgingi tańda 100-den astam adam eńbek etedi. Birneshe aýdan turǵyndarynan sút qabyldap, odan 16 túrli ónim óndirip jatqan zaýyt ujymdyq ımmýnıtet qalyptastyrýdyń mańyzdylyǵyn jaqsy túsinedi.

Sebebi tikeleı halyqpen jumys istep, qoǵamdyq tamaqtaný oryndarymen únemi baılanysta bolǵandyqtan ár jumysshysynyń aldymen ózine, odan keıin qorshaǵan ortasyna qaýip tóndirmeýi kerek.

«Jumysshylardyń, halyqtyń qaýipsizdigi úshin ekpe aldyq. Óıtkeni biz tikeleı aýrýhana, balabaqsha, mekteptermen jumys jasaǵandyqtan biz ózimizdiń qaýipsizdikti qamtamasyz etpesek, olarǵa qaýip tóndirýimiz múmkin. Sondyqtan biz ózimiz birinshi kezekte vaktsınany aldyq»- dedi sút zaýytynyń tehnology Barshagúl Toqtar.


Avtor Samal Qabysheva
Basty sózder: Vaktsına, Almaty oblysy,
Joǵary qaraı