Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndaǵy aýdandyq aýrýhanada ana men bala qaıtys boldy

2021 jyldyń 11 qazan 2021 20:34

TALDYQORǴAN.QazAqparat - Almaty oblysynda aýdandyq aýrýhanada ana men bala kóz jumdy,- dep habarlaıdy QazAqparat tilshisi.

Marqum bolǵan Aıjan Shepenovanyń týystary qaıǵyly jaǵdaıǵa dárigerlerdi kinálap otyr.

Sózderinshe, júktiliktiń 41 aptasy tolǵan áıeldi bir apta boıy perzenthanada bosandyrmaı, jatqyzyp qoıǵan. Al Aıjannyń ózi dárigerler salǵan tolǵaq dárisinen keıin de tolǵaǵy kelmeı jatqanyn jaqyndaryna vatsap arqyly jetkizgen. Marqumnyń jaqyndary Aıjannyń densaýlyǵyna dál osy tolǵaq dárisi keri áser berdi deıdi. Sebebi, tolǵaqtyń dárisin salǵan áıelge kesir tiligin jasaǵannan keıin qan toqtamaı, ana da, bala da kóz jumdy dep otyr.

«Balaǵa da, ózine de dárigerler qaramaǵan. Qaramaǵandyqtan óltirip otyr. Bala ishinde qansyrap tunshyǵyp óldi. Sodan bizge aıtpaǵan, habarlamaǵan, kúıeýi tynym tappaǵannan keıin túngi on eki jarymda barsa, atam zamanda qaıtys bolyp ketken. Eshqaısysy qaramaı óltirip otyr», - dedi Marqum Aıjan Shepenovanyń enesi Dámet Ermentaeva.

Marqumnyń jaqyndary ana men balanyń qaıtys bolǵanyn dárigerler habarlamady dep qapaly. Ol azdaı, Saryózekten Taldyqorǵanǵa balanyń da, ananyń da múrdesin marqumnyń jaqyndary ózderi ákelipti. Eshbir qujatsyz berilgen máıitti máıithanadaǵylar qabyldamaı, álekke túsken. Al dárigerler ana men balanyń ómirin saqtap qalýǵa tyrystyq deıdi.

«Saryózek ortalyq aýrýhanasyna 1-qazan tústi. 7-qazan aıynda tolǵaǵy bastaldy. Saǵat 18:30 nan keıin jaǵdaıy nasharlap, qan qysymy tómendep ketti. Shuǵyl túrde kesir tiligine operatsııaǵa alyndy. Operatsııa kezinde júregi toqtap qaldy. Barlyq reanımatsııalyq sharalar jasaldy. Biraq soǵan qaramastan saǵat 21:45 te áıel qaıtys boldy», - dedi Kerbulaq aýdandyq aýrýhanasynyń dárigeri Gúlnár Tynybaeva.

Saryózektegi aýrýhanaǵa tórtinshi balasyn bosanamyn dep baryp, sábıimen birge qaıtys bolǵan Aıjan Shepenova muǵalim. Densaýlyǵyna esh ýaqytta shaǵym aıtyp kórmepti. Marqumnyń artynda úsh birdeı uly, jary qaldy. Aıjannyń otbasy aýdandyq prokýratýraǵa aryz jazǵan.


Avtor Samal Qabysheva
Basty sózder: Medıtsına, Oqıǵa, Almaty oblysy,
Joǵary qaraı