Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndaǵy ákim saılaýy: Bir orynǵa 3 adam talasýda

2021 jyldyń 25 shilde 2021 11:22

NUR-SULTAN. QazAqparat – Almaty oblysyndaǵy saılaý komıssııasynyń múshesi Qaharman Jaqsylyq óńirdegi aýdan ákimderin saılaý barysyn baıandady, dep habarlaıdy QazAqparat tilshisi.

«Almaty oblysynda 71 aýyldyq okrýg ákimin saıdaý 20 aýdannyń 17-sinde taǵaıyndalǵan bolatyn. Bul rette 60 ákim ókilettik merziminiń aıaqtalýyna baılanysty, 11-i – ókilettik merzimderiniń buryn toqtatylýyna baılanysty saılanatyn bolady. Tirkelgen 235 úmitkerge saılaýshylar búgin daýys berýde», - dedi Q. Jaqsylyq «24 Habar» telearnasynda ótken brıfıngte.

Buǵan deıin habarlanǵandaı, oblysta 82 úmitker saıası partııalardan, al 153 adam – ózin-ózi usynǵandar bolyp otyr. Ortasha básekelestik – bir orynǵa 3,3 adam. Barlyq okrýgterge úmitkerler sany úshten kóp.

«Saılaý komıssııalary usynǵan derekterge sáıkes, 2021 jyldyń 25 shildesindegi saǵat 10:00-de saılaý bıýllenterin tizimge engizilgen saılaýshylardyń jalpy sanynyń 17 paıyzy aldy. Nemese 38 783 adam daýys berdi. Bizdiń oblystyń turǵyndary dástúrli túrde joǵary elektoraldyq belsendilik tanytyp otyr», - deıdi Qaharman Jaqsylyq.

Aıta keteıik, búgin táýelsiz Qazaqstannyń tarıhynda tuńǵysh ret aýyl, kent, aýyldyq okrýg jáne aýdandyq mańyzdaǵy qala ákimderiniń saılaýy ótedi. Aýmaqtyq saılaý komıssııalarynyń málimetinshe, barlyǵy 730 saılaý okrýginde 2582 kandıdat usynylǵan. Olardyń 2297-i tirkeýden ótken.

Kandıdattardyń basym bóligi – óz-ózin usynýshylar. Saılaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń saılaýyna túskisi keletin úmitkerge óz-ózin usyný múmkindigi berilgen bolatyn. Osy múmkindikti bul jolǵy saılaýda 1419 adam paıdalanyp otyr.

Sondaı-aq, 878 úmitkerdi Ádilet mınıstrliginiń tirkeýinde bar 6 saıası partııa usynǵan.

Halyqtyń daýys berýi arqyly ákim bolǵysy keletinderdiń genderlik quramyna kelsek, er úmitkerlerdiń sany –1839. Solarmen birge 458 áıel úmitker baǵyn synaǵaly otyr.


Avtor Aıjan Serikjanqyzy
Basty sózder: Ákim, Saılaý, Almaty oblysy,
Joǵary qaraı