Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysyndada kólik salonynan áýege oq atqan buzaqy ustaldy

2021 jyldyń 24 qazan 2021 18:08

NUR-SULTAN. QazAqparat – Qaskeleńde toı kortejinde júrgen kóliktiń salonynan áýege oq atqan buzaqy ustaldy. Er adamnyń ústinen qylmystyq is qozǵaldy, dep habarlaıdy QazAqparat tilshisi.

Almaty oblystyq Polıtsııa departamentiniń málimetinshe, Qaraısaı aýdandyq polıtsııa basqarmasynyń qyzmetkerleri áleýmettik jelige monıtorıng jasaý barysynda er adamnyń kólik ishinen áýege oq atqany taspalaǵan beıne materıaldy baıqap qalǵan. Jedel izdestirý is-sharasy barysynda bul oqıǵanyń 23 qazan kúni saǵat shamamen 17:30-da Qarasaı aýdanyna qarasty Qaskeleń qalasynyń Abylaı han kóshesinde bolǵany anyqtaldy.

«Polıtsııa qyzmetkerleriniń izdeý is-sharalary nátıjesinde áýege oq atqan adam anyqtaldy. Ol 25 jastaǵy Qarasaı aýdanynyń turǵyny bolyp shyqty. Onyń ústinen QR Qylmystyq kodeksiniń 293-baby 3-tarmaǵymen qylmystyq is qozǵaldy. «Mercedes» markaly kólik aıyppul turaǵyna qoıylyp, QR Ákimshilik quqyq buzýshylyq týraly kodekstiń 590-baby 2 tarmaǵymen ákimshilik hattama toltyryldy. Qazaqstannyń qoldanystaǵy zańnamasynyń normalaryna sáıkes jaýapqa tartý úshin kortejdiń basqa da qatysýshylaryn anyqtaý is-sharalary júrgizilip jatyr», - dep atap ótedi vedomstvodan.


Joǵary qaraı