Almaty oblysynda jardan aýdarylǵaly turǵan kóliktegi jolaýshylar qutqaryldy
TALDYQORǴAN. QazAqparat - QR TJM Respýblıkalyq jedel-qutqarý jasaǵy jardan aýdarylǵaly turǵan kóliktegi jolaýshylardy qutqardy, dep habarlaıdy QazAqparat tilshisi.
23 qańtarda saǵat 3:50 shamasynda Qarasaı aýdanyndaǵy shatqalda qutqarýshylardan kómek suraǵandardan habar kelip túsken.
«6 adam men 1 tehnıkadan jasaqtalǵan jedel top oqıǵa ornyna attandy. Belgili bolǵandaı, taýǵa shyǵyp bara jatqan avtokólik qulaýǵa shaq qalǵan, ıaǵnı oń jaqtaǵy eki dóńgelegi tik jardyń shetinde turǵan. Ony sol tusta ósip turǵan aǵash tirep qaldy. Avtomobılde úsh adam boldy. Jeńil kóliktiń jardan tómen qaraı aýdarylýy qaýpinen olar mashına salonynan shyǵa almaǵan», - dep atalyp ótken baspasóz qyzmetiniń málimetinde.
Qutqarýshylar evakýatsııany bastaýdyń aldynda avtokólikti arnaıy quraldarmen myqtap bekitip alǵan. Sodan keıin mashınany joldyń ústine qaraı súırep shyǵaryp, zardap shekken adamdar qaýipsiz jerge jetkizildi. Olarǵa medıtsınalyq kómek qajet bolmady.
