Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda «Jańa zamandaǵy jańa Qazaqstan» atty sýret baıqaýy ótti

2022 jyldyń 27 qańtar 2022 15:40

TALDYQORǴAN.QazAqparat - Almaty oblystyq Jastar resýrstyq ortalyǵynyń uıymdastyrýymen múmkindigi shekteýli balalar arasynda «Jańa zamandaǵy jańa Qazaqstan» atty sýret baıqaýy ótti, - dep habarlaıdy QazAqparat tilshisi.

Baıqaýǵa qatysýshylar jańa Qazaqstannyń damýyn, kelbetin qııaldaryna erik berip, sýrettedi.

Sharanyń maqsaty erekshe oqýshalardyń shyǵarmashylyq qabiletin shyńdap, óz belsendiligin kórsetýge múmkindik berý. Daryndy jastardy anyqtaý jáne kópshilikke shyǵarmashylyq sheberlikterin, qabiletterin kórsetýge múmkindik jasaý.

Sondaı-aq, oqýshylardyń patrıottyq sezimin oıatý, belsendiligin arttyrý.

Sharaǵa jalpy sany 80 oqýshy qatysty. Tóreshilerdiń sheshimimen úzdikteri anyqtalyp, maqtaý qaǵazdarymen jáne arnaıy syılyqtarmen marapattaldy.




Jeńimpazdar «Taldyqorǵan qalasynyń oblystyq estý qabileti buzylǵan balalarǵa arnaıy mektep ınternaty» KMM-niń oqýshylary. Olardyń ishinde:

І oryndy 9 «b» synyby,

ІІ oryndy 6 synyby,

ІІІ oryndy 10 «a» synybynyń oqýshylary ıe boldy.

Sonymen qatar, baıqaýǵa qatysqan barlyq oqýshylarǵa yntalandyrý alǵys hattary tabystaldy.

Aıta ketsek, bul baıqaý Taldyqorǵanda alǵash ret uıymdastyrylyp otyr.














Joǵary qaraı