Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda sýdyń jetispeýine baılanysty jer tolyq ıgerilmeı otyr

2020 jyldyń 29 qarasha 2020 17:52

TALDYQORǴAN. QazAqparat - Almaty oblysynyń Alakól aýdanynda sýdyń jetispeýine baılanysty jer tolyq ıgerilmeýde, dep habarlaıdy QazAqparat tilshisi.

Alakól aýdanynyń ákimi Álibek Jaqanbaev Almaty oblysynyń ákimi Amandyq Batalovqa óńirdiń áleýetin odan ári tıimdi paıdalaný maqsatynda birqatar máseleni sheshý qajettigin jetkizdi.

Máselen, aýdanda jalpy 41 myń gektar sýarmaly egistik kólemi bar. Búgingi kúnge sonyń 31,5 myń gektary nemese 75,6 paıyzy ǵana paıdalanylyp, sýdyń jetispeýine baılanysty tolyq ıgerilmeı otyr.

Osyǵan baılanysty sharýashylyq sý júıelerin jóndep, Jamanty ózeni boıynan sý qoımasyn salý qajet.

Oblystan qoldaý bolsa, Lepsi aýylynda sporttyq saýyqtyrý kesheniniń qurylysyn júrgizý, Aqshıdegi «Jalyn» balalar lagerin qaıta jańǵyrý josparda bar.

Sol sııaqty 900 mln teńgege týrızmdi damytýdyń negizgi núktesi sanalatyn Kóktuma jáne Aqshı aýyldarynda elektr jelisiniń qurylysyn júrgizý qajet.

Qabanbaı aýylynda jáne Úsharal qalasynda turǵyn úı qurylysyna, aýdan ortalyǵynda 250 oryndyq aýrýhana, Halyqqa qyzmet kórsetý ortalyǵyn salýǵa qoldaý qajet.

Osy jáne ózge de áleýmettik-ekonomıkalyq saladaǵy birqatar túıindi máselelerdi baıandaǵan aýdan ákimi Á.Jaqanbaevtyń usynystary oblys basshysy tarapynan qoldaý taýyp, tıisti qarajat bólinetin boldy.

Joǵary qaraı