Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda soǵym etin urlaǵan er adamnyń ústinen qylmystyq is qozǵaldy

2021 jyldyń 24 qarasha 2021 02:28

TALDYQORǴAN. QazAqparat - Almaty oblysynda ilinip turǵan soǵym etin urlaǵan kúdiktiniń ústinen qylmystyq is qozǵaldy, - dep habarlaıdy QazAqparat tilshisi.

Oqıǵa Eskeldi aýdanynda bolǵan. Kúdikti ilýli turǵan 20 keli jylqy etin qoldy qylǵan.

Іzdestirý sharalary barysynda kúdikti retinde 60 jastaǵy er adam anyqtalyp, ustaldy. Onyń aıtýy boıynsha urlyq jasaǵan sátte ol mas bolǵan. Sonymen qatar, ustalǵan azamattyń jarty etti asyp jep úlgergeni anyqtaldy. Ońaı oljaǵa kenelmek bolǵan azamat endi istegen áreketi úshin zań aldynda jaýap beretin bolady.

«Qazirgi tańda atalǵan derek boıynsha Eskeldi aýdany PB-men Qazaqstan Respýblıkasy Qylmystyq kodeksiniń 188-baby 3-bóligimen sotqa deıingi tergeý amaldary bastaldy»,- delingen Almaty oblysy polıtsııa departamentiniń baspasóz qyzmeti taratqan habarlamada.



Joǵary qaraı