Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda sibir eligin zańsyz atqan er adam 1 jyl 6 aıǵa sottaldy

2021 jyldyń 12 qazan 2021 20:49

TALDYQORǴAN. QazAqparat - Almaty oblysynyń Jambyl aýdany aýmaǵynda tabıǵatty qorǵaý bóliminiń polıtseıleri zańsyz ań aýlaýmen aınalysqan 39 jastaǵy jergilikti turǵyndy ustady, dep habarlaıdy QazAqparat.

Arnaıy reıd barysynda Yntymaq aýylynyń mańyndaǵy ańshylyq alqap aýmaǵynda qolyna túsken azamat Reseı Federatsııasynyń týmasy bolyp shyqty. Ol tıisti ruqsaty joq bolǵanyna qaramastan zańsyz ań aýlaǵan.

«Er adam óziniń myltyǵymen 2 sibir eligin zańsyz atyp alǵan. Osylaısha janýarlar álemine 2 083 500 teńge kóleminde zııan keltirgen. Atalǵan fakti sotqa deıingi tergeýdiń biryńǵaı tizilimine tirkelip, QR QK 337-baby boıynsha tergeldi. Barlyq zattaı dálelder tárkilendi. Ustalǵannan keıin ańshy sot aldynda jaýap berdi. Sot qylmystyq-atqarý júıesi mekemelerinde jazasyn óteı otyryp, ań aýlaýmen aınalysý quqyǵynan 3 jyl merzimge aıyra otyryp, 1 jyl 6 aıǵa bas bostandyǵynan aıyrýǵa úkim shyǵardy»,- delingen Almaty oblystyq Polıtsııa departamenti baspasóz qyzmetiniń habarlamasynda.

Tabıǵatty qorǵaý polıtsııasynyń qyzmetkerleri únemi ań aýlaý jáne balyq aýlaý erejelerin saqtaý, brakonerlik faktileriniń aldyn alý boıynsha reıdter júrgizedi.

«Bul is-sharalar múddeli uıymdardyń ókilderimen birlesip ótkiziledi. Jyl basynan beri oblysta 132 qylmystyq is qozǵalyp, 1033 tabıǵat qorǵaý zańnamasyn buzý áreketi anyqtaldy», - dedi Almaty oblysy PD Tabıǵatty qorǵaý polıtsııasynyń aǵa ınspektory polıtsııa maıory Serik Baıǵozınov.


Joǵary qaraı