Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda qurylys materıaldaryn shyǵaratyn 5 zaýyt salynady

2022 jyldyń 12 mamyr 2022 21:50

NUR-SULTAN. QazAqparat - Almaty oblysynda qurylys materıaldaryn óndiretin 5 jańa kásiporyn ashylady, dep habarlaıdy QazAqparat óńirlik ákimdiktiń baspasóz qyzmetine silteme jasap.

Oblys ákimi Qanat Bozymbaev «TK «Gazoblok» kompanııasy men «Almplast» JShS basshylarymen kezdesip, yntymaqtastyq týraly memorandýmǵa qol qoıdy. Memorandým aıasynda qurylys salasyndaǵy 5 jańa joba qolǵa alynbaq.

Máselen, «TK «Gazoblok» kompanııasy Іle aýdanynda 3 zaýyt, Taldyqorǵanda 1 zaýyt salýǵa nıetti. Bul kásiporyndar gazobloktar, tsement panelderdiń talshyqtaryn, shyny maqtalaryn shyǵaratyn bolady. Jobalar jeti jylǵa josparlanǵan. Shamamen 26 mlrd. teńge ınvestıtsııa tartylyp, 240 jumys orny ashylady.

- Biz shyǵaratyn qurylys materıaldary negizinen syrt elderden ákelinedi. Qysqasha aıtqanda, ımportqa táýeldi. Sondyqtan biz ishki naryqtyń suranysyn otandyq ónimdermen tolyqtyrýdy maqsat etip otyrmyz, - dedi «TK «Gazoblok» kompanııasynyń bas dırektory Maksım Kım joba jaıly qysqasha baıandap.

Al «Almplast» JShS «Taldyqorǵan» ındýstrıaldy aımaǵynda dıametri 20-1200 mm plastık qubyrlar shyǵaratyn óndiris ornyn ashady. Joba 2022-2023 jyldary iske asyrylady. Tartylatyn ınvestıtsııa kólemi – 2,6 mlrd. teńge, 37 jumys orny qurylady. Jobanyń jyldyq qýaty - 16,8 myń tonna.

Bul jobalar qurylys ındýstrııasynyń damýyna jańa serpin berip, el naryǵyna otandyq qurylys materıaldaryn kóptep shyǵarýǵa úles qospaq.

Memorandýmǵa Almaty oblysynyń ákimi Qanat Bozymbaev, «TK «Gazoblok» kompanııasynyń bas dırektory Maksım Kım men «Almplast» JShS dırektory Sabyrhan Qasymov qol qoıdy.


Joǵary qaraı