Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda HІH ǵasyrda ashylǵan shıpajaıdyń jumysy qaıta jandanatyn boldy

2022 jyldyń 16 mamyr 2022 10:54

TALDYQORǴAN. QazAqparat - Almaty oblysynyń Aqsý aýdanyndaǵy «Qapal-Arasan» shıpajaıy qaıta jandanady, - dep habarlaıdy QazAqparat tilshisi.

«Qapal-Arasan» HІH ǵasyrda ashylǵan shıpajaı radon sýymen, emdeý sapasymen tanymal bolatyn. Qazir ol on jyldan astam ýaqyt jumys istemeı qańyrap tur. Aqsý aýdany ákimdigine shıpajaıdyń jerin satyp alǵan «Bolashak Tengiz Realty» kompanııasynyń basshylyǵymen tyǵyz baılanys ornatyp, shıpajaı ǵımarattaryn qalpyna keltirip, jumysyn bastaý úshin jan-jaqty qoldaý kórsetý qajet. Bul óz kezeginde aýdannyń ekonomıkasyna oń serpin beredi, ınvestıtsııa tartylyp, turaqty jumys oryndary ashylady», - dedi Almaty oblysynyń ákimi Qanat Bozymbaev.

Óńir basshysy óz orynbasary Arslan Dándibaevqa osy máseleni baqylaýǵa alýdy tapsyrdy.

Qanat Bozymbaevpen turǵyndardyń kezdesý jıynda jaıylymdyq jer bólý, sýbsıdııanyń qoljetimdiligi, Qapal kolledjiniń ǵımaratyna kúrdeli jóndeý júrgizý, dáriger mamandardyń tapshylyǵy, jedel járdem avtokóligin jańartý men kompıýterlik tomograf qajettigi, turǵyn úımen qamtý, Molalyǵa deıingi 27 km joldy jóndeý, Taldyqorǵan-Óskemen avtojolynyń Aqsý aýdanyn basyp ótetin ýchaskesiniń bitý merzimi, jazǵy demalys lagerin uıymdastyrý, jumyspen qamtý, ataýly áleýmettik kómek alý múmkindikteri týraly máselelerge qatysty boldy.


Avtor Samal Qabysheva
Basty sózder: Densaýlyq, Qoǵam, Almaty oblysy,
Joǵary qaraı