Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda dúnıege kelgen úshemge kásipker bes bólmeli úı syılady

2021 jyldyń 2 jeltoqsan 2021 12:28

TALDYQORǴAN. QazAqparat - Almaty oblysynda dúnıege kelgen úshemge kásipker bes bólmeli úı syılady, - dep habarlaıdy QazAqparat tilshisi.

QR Tuńǵysh Prezıdenti kúni men el Táýelsizdiginiń 30 jyldyǵyna oraı Іle aýdannyń Aqshı aýylynda 7 balaly otbasy baspanaly boldy.

«Aqshı aýylynyń ortasynan «Dáýlet - Beket» JShS basshysy Sydyq Ábýáli jaqynda dúnıege kelgen úshemge 120 sharshy metrdi quraıtyn 5 bólmeli úı salyp berdi. Búginde Maımıevter áýleti 7 balany tárbıelep otyr. Aqmaral Jalǵasqyzy bolsa QR Prezıdentiniń jarlyǵyna sáıkes memlekettik «Altyn alqa» alqasymen nagradtalǵan»,- delingen Іle aýdany ákiminiń baspasóz qyzmeti taratqan habarlamada.

Úshemniń esimin Málıka, Mádına, Múslıma dep qoıǵan ata-anasy endigi balalarym jyp-jyly úıde emin-erkin ósedi dep rızashylyǵyn bildirdi.

Aıta keteıik, januıadaǵy taǵy 4 bala Aqshı aýylynyń №8 mektebinde bilim alady. Aıtýly sharaǵa aýdan ákimi Baǵdat Qarasaev qatysyp, Máımıevterdiń qýanyshymen bólisti.



Avtor Samal Qabysheva
Basty sózder: Almaty oblysy, Demografııa,
Joǵary qaraı