Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda bógettiń buzylýy: Itter ustalatyn panalaý ornyna sý kirdi

2021 jyldyń 22 qarasha 2021 11:01

JAMBYL AÝDANY. QazAqparat – Almaty oblysynda Knıjevskıı sý qoımasyndaǵy bógettiń buzylýynan ıtterge arnalǵan panalaý ornyna sý kirgen. Bul týraly QR Tótenshe jaǵdaılar mınıstrliginiń resmı ókili Talǵat Ýálı málim etti, dep habarlaıdy QazAqparat.

«Knıjevskoe sý qoımasyndaǵy bógettiń buzylýy saldarynan ıesiz ıtterdiń panalaý ornyna sý kelgeni týraly aqparat kelip tústi. Itterdiń panalaý orny bóget buzylǵan jerden 500 metr qashyqtyqta ornalasqan. Itter ornalasqan jerge sý ishinara kirgen. Onyń deńgeıi shamamen 15-20 sm boldy.

Janýarlar aman. Panalaý ornynda barlyǵy 150 ıt bolǵan. Sý basqan kezde TJM qutqarýshylary men mekeme qyzmetkerleri janýarlardy qaýipsiz jerge kóshirdi. Qazirgi ýaqytta sý deńgeıi tómendedi (ishinara muz qatqan)», - dep málim etti QR TJM-nan.



Buǵan deıin Almaty oblysy Jambyl aýdany Myńbaev aýylynyń mańynda Knıjevskogo sý qoımasy bógetinde jaryq paıda bolǵany týraly habarlaǵan bolatynbyz.

22 qarasha kúni saǵat 7:30-da sý qoımasynan aqqan sýdyń deńgeıi tómendedi. «Sý eni 4 metr bolatyn jyryq arqyly aǵyp jatyr. Aǵyp jatqan sýdyń kólemi 5-6 tekshe metrdi quraıdy. Sonymen qatar oblystyq joldan tereńdigi 5 santımetr, al eni 30 metr kóleminde asyp tógilýde. Zardap shekkender men qaza tapqandar joq. Qurylys nysandaryna da eshqandaı qater baıqalmaıdy. Ahýal turaqty, sý tómendep, baıaý aǵyp jatyr», - degen bolatyn Jambyl aýdandyq tótenshe jaǵdaılar bóliminiń bastyǵy Aıbek Janaev.





Joǵary qaraı