Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda bıyl 1 mln tonnadan astam dándi daqyl jınaý josparlanyp otyr

2021 jyldyń 21 qyrkúıek 2021 16:31

TALDYQORǴAN. QazAqparat - Almaty oblysynda bıyl 1 mln. tonnadan astam dándi daqyl jınaý josparlanyp otyr, - dep habarlaıdy QazAqparat tilshisi.

Almaty oblystyq aýyl sharýashylyǵy basqarmasynyń málimetinshe, óńirde strategııalyq mańyzy bar qant qyzylshasyn, júgeri jáne kúrish daqyldardyn jınaý, orý jumystary bastaldy. Bıyl jetisýlyq sharýalar aýyl sharýashylyǵy daqyldarynyń egis alqabyn 3,7 myń gektarǵa ulǵaıyp, 972,2 myń gektarǵa jetkizgen.

Onyń ishinde dándi daqyldardy jınalatyn alqap – 485,4 myń ga bolsa, ondaǵy dándik júgeri – 95,8 myń ga , kúrish - 8,2 myń ga, qant qyzylshasy 16,1 myń ga alqapqa sebilgen.

Búginde oblystyń biraz óńirinde egin jınaý qarqyndy júrip jatyr. Qapshaǵaı qalasynyń «Etekbaev» qojalyǵynyń sharýalary bıyl 140 gektar jerdiń 70 ga-na dándi júgeri, 27 ga-na qant qyzylshasyn, 15 ga-ǵa pııaz ekken. Tamshylatyp sýǵarý júıesimen ónim alyp júrgen qojalyq memlekettiń de jaqsy qoldap otyrǵanyn jasyrmady.

«Osy jyly pııaz jáne júgeri egistiginen 40 tonna ónim alýdy josparlap otyrymyz. Memleket qoldaýynyń arqasynda jyldan jylǵa egistik jerdi keńeıtip, dándi-daqyldar túrin molaıtyp jatyrmyz. Bizdiń ónim búginde TMD jáne Eýropa elderine de eksportqa shyǵýda»,- deıdi sharýa qojalyǵynyń basshysy Nurlan Etekbaev.

Sondaı-aq, Bıyl oblys boıynsha tátti túbirden 500 myń tonna ónim alyp, 50 myń tonnadan astam qant shyǵarý josparlanǵan. Ol úshin, barlyq tehnıka jóndelip, astyq jınaýǵa 1468 kombaın, 180 mehanıkalyq qyrman, 263 astyq tıegish, 203 dán atqysh, 164 astyq tazalaý mashınalary jáne 256 avtotarazy tartyldy.


Joǵary qaraı