Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda baqshasynda marıhýana ósirgen 55 jastaǵy turǵyn ustaldy

2020 jyldyń 21 qyrkúıek 2020 21:48

TALDYQORǴAN. QazAqparat - Almaty oblysynda quramynda esirtki zaty bar ósimdikterdi ósirýdiń taǵy bir deregi Talǵar aýdanynda tirkeldi, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, polıtseıler quramynda esirtki bar, ósirýge tyıym salynǵan ósimdikterdi zańsyz ósirgen kúdiktini anyqtady.

«Esirtki» jedel aldyn alý sharasy barysynda jedel qyzmetter baqshasynda qarasora ósirýmen aınalysqan Talǵar aýdany Rysqulov kentiniń 55 jastaǵy turǵynyn ustady.

Sarapshylar ósirilgen esirtkiniń marıhýana ekenin aıtty.

Kúdiktiden quramynda esirtki bar jalpy 35 túp ósimdik tárkilendi.

Moıyndaǵysy kelmese de, resmı rásimderden keıin ustalǵan azamat qarasorany ózi taýyp, ony jeke ýchaskesine muqııat kútip-baptap otyrǵyzǵanyn jetkizdi.

Sonymen qatar, ol tyıym salynǵan shópti ózi úshin otyrǵyzǵanyn, uzaq ýaqyttan beri ony qoldanyp kele jatqanyn aıtqan.

Barlyq dálelder men faktiler sotqa deıingi tergep-tekserý barysynda QR QK 300-babynyń 1-bóligine sáıkes tekseriledi.



Joǵary qaraı