Aýa raıy
Astana 19 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Almaty oblysynda analar AÁK ala almaı jatyr

2019 jyldyń 14 qarasha 2019 11:01

TALDYQORǴAN.QazAqparat - Almaty oblysynda Eskeldi, Qaratal aýdandary men Taldyqorǵan qalasynda turatyn analar ataýly áleýmettik kómekti ala almaı jatyr, dep habarlaıdy QazAqparat tilshisi.

Máselen, bir ǵana Taldyqorǵan qalasy boıynsha 5359 anaǵa tólenýi tıis 330 mln teńgeniń tek jartysy ǵana tólenipti. Al Eskeldi aýdany boıynsha 700-ge jýyq ana sońǵy ret atalǵan járdemaqyny qyrkúıek aıynda alǵandaryn aıtady.

«Týra kerek kezde, týra qystyq kıim alatyn kezde, balalarymyzǵa kıim alatyn kezde, kómir alatyn kezde aqshany túsirmeı otyr. Almaty oblysynda bıýdjette aqsha joq degenge eshkim senbeıdi. Túsirip bersin, ózimizge tıesili aqshany surap otyrmyz, birinshiden. Ekinshiden, zań boıynsha ár aıdyń 10-yna deıin tólenedi deıdi. Qansha kún asyp ketti. Biz zańǵa qaıshy eshteńe istep otyrǵan joqpyz», - dedi Taldyqorǵan qalasynyń turǵyny Álııa Maqulova.

Ataýly áleýmettik kómekti alýǵa májbúr kópbalaly jáne jaǵdaıy tómen otbasylar járdemaqynyń ýaqtyly túspeýinen túrli qıyndyqtarǵa tap bolyp jatqandaryn aıtady. Úılerine otyn, bala-shaǵalaryna jyly kıim ala almaý óz aldynda, ishetin tamaq ta taýsyldy dep otyr. Sharasyz kúıde qalǵan olar sheneýnikter aqsha túsedi degen qurǵaq ýádege senip, kúnde qazposhtaǵa kelip, uzyn-sonar kezekte turyp, shottaryn tekserýmen júr.




Al Almaty oblysy ákiminiń orynbasary muńyn aıtyp kelgen analardy tólem eki kúnniń ishinde bolady dep jubatty.

«Mınıstrlikten aqshany tańerteń bizge jiberdi. Erteń biz qala men aýdandarǵa jiberemiz. Sodan keıin aqshany sizderge taratady. Shamamen eki kúnde túsedi», - dedi Almaty oblysy ákiminiń orynbasary Batyrjan Baıjumanov.

Joǵary qaraı