Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 1927 jasóspirim Pfizer vaktsınasyn aldy

2021 jyldyń 29 qarasha 2021 10:51

TALDYQORǴAN. QazAqparat - Almaty oblysynda 1927 jasóspirim Pfizer vaktsınasyn aldy, dep habarlaıdy QazAqparat tilshisi.

«Taldyqorǵan qalasyna 11 qarashada 16-dan 37 aptaǵa deıingi júktilik kezinde, jasóspirimder men bosanǵannan keıingi 42 kúnnen bastap bala emizetin analar úshin 46 800 doza mólsherinde Komırnatı (Pfizer) vaktsınasynyń birinshi partııasy ákelindi.

Almaty oblysynda 225 810 adam Komırnatı (Pfizer) vaktsınatsııasyn alatyndar tobyna jatady. Onyń ishinde 12-17 jastaǵy balalar-147 000, júkti áıelder - 34 510 (júktilik merzimi 16-37 apta), laktatsııa kezeńindegi áıelder (bala týǵan sátten bastap 42 kúnnen keıin) - 44 300 adam»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, Almaty oblysynda 1927 jasóspirim Pfizer vaktsınasyn aldy, onyń ishinde 274-i 12 men 13 jas aralyǵy, 492-si 14-15 jas, 1161-i 16-17 jas aralyǵyndaǵy balalar.

«Sondaı-aq, eresek toptan 377 adam bar. Bul laktatsııa kezeńindegi 325 áıel jáne júktilik kezinde 52 áıel atalǵan vaktsınany aldy»,- dep tolyqtyrdy atalǵan vedomstvonyń baspasóz qyzmetinen.


Joǵary qaraı