Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysy Tóńkeris aýylyndaǵy órttiń sebebi belgili boldy

2021 jyldyń 2 jeltoqsan 2021 17:08

TALDYQORǴAN.QazAqparat - Almaty oblysy Tóńkeris aýylyndaǵy órttiń sebebi belgili boldy, dep habarlaıdy QazAqparat tilshisi.

Almaty oblystyq tótenshe jaǵdaılar departamentiniń málimeti boıynsha, Tóńkeris aýylyndaǵy 8 páterli barak tıpti úıdiń órtenýine elektr jelisiniń qysqa tuıyqtalýy sebep bolǵan.

Órt 30 qarasha kúni saǵat 18:15 shamasynda tutandy. 8 páterdiń altaýyn órt shaldy, onyń ishinde ekeýiniń shatyry janǵan.

Abyroı bolǵanda, turǵyndar der kezinde úıden shyǵyp úlgerdi.

Oqıǵa ornyna sol kúni túnde Talǵar aýdanynyń ákimi Qaıdar Ábdihanov jetti. Ákim órt bolǵan úıde kelesi kúni de bolyp, zardap shekkenderdiń sanyn anyqtady.

Belgili bolǵandaı, barak tıpti úıde barlyǵy 34 adam turady. Onyń 16-sy - bala.

Esterińizge sala keteıik, Almaty oblysy Talǵar aýdanyna qarasty Tóńkeris aýylynda 8 páterli úı órtengenin habarlaǵan bolatynbyz.


Joǵary qaraı