Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty metropolıteni 8 poıyzben tolyqty

2021 jyldyń 30 qarasha 2021 19:03

ALMATY. QazAqparat - Almaty metropolıteniniń 10 jyldyǵy qarsańynda 8 jańa elektr poıyzy paıdalanýǵa berildi. Endi metropolıtende 15 poıyz turǵyndarǵa qyzmet kórsetedi. Bul týraly atalǵan mekemeniń baspasóz qyzmeti málim etti, dep habarlaıdy QazAqparat tilshisi.

Táýelsizdiktiń 30 jyldyǵynda Tuńǵysh Prezıdent kúni qarsańynda jáne Almaty metropolıteniniń 10 jyldyǵyna oraı Almaty metropolıteni úshin arnaıy ázirlengen Ońtústik Koreıanyń Hyundai Rotem kompanııasy shyǵarǵan 8 jańa elektr jyljymaly quram paıdalanýǵa beriledi.

«Quramnyń uzyndyǵy - 77,8 m, eń joǵary tehnıkalyq jyldamdyq – 90 km/saǵ. Temperatýra rejımi: -35, +40s. 4 vagon quramyndaǵy jolaýshylardyń syıymdylyǵy 940 adam. Árbir vagon jylytý, jeldetý jáne aýa baptaý júıesimen, jolaýshylar salonynyń flıýrestsent jaryq shamdarymen jabdyqtalǵan», - delingen habarlamada.

Vagondarǵa ishki jáne syrtqy beınebaqylaý júıesi ornatylǵan. Mashınıst kabınasynan vagondardyń ishindegi jáne syrtyndaǵy jaǵdaıdy monıtorda baqylaı alady.

Barlyq vagon jolaýshylarǵa bireýinen ekinshisine qaýipsiz jáne yńǵaıly ótýdi qamtamasyz etetin ashyq tıptegi (aralyq esiksiz) keń vagonaralyq ótý joldary arqyly biriktirilgen.

«Elektr poıyzdary jolaýshylar úshin de, qyzmet kórsetýshi personal úshin de joǵary qaýipsizdik pen jaıly jaǵdaıdy, sondaı-aq energııa tutynýdyń tómendetilgen deńgeıin qamtamasyz etedi. Vagondar 30 jyl qaıta jabdyqtaýsyz, jóndeýsiz qalypty paıdalanýǵa arnalyp jobalanǵan jáne qurastyrylǵan», - delingen habarlamada.

Aıta keteıik, osydan on jyl buryn, 2011 jyldyń 1 jeltoqsanda Nursultan Nazarbaev Qazaqstandaǵy alǵashqy jáne jalǵyz metropolıtendi ashyp, alǵashqy jolaýshy boldy.

Sodan beri metro jumysy bir mınýtqa da toqtaǵan joq.


Joǵary qaraı