Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty meshitterinde Qurban aıt namazy oqylmaıdy

2021 jyldyń 16 shilde 2021 16:44

ALMATY. QazAqparat-Almaty qalasynyń bas ımamy Ospan Tólebı onlaın brıfıng barysynda karantın kezinde Qurban aıt merekesin atap ótý sharalaryn túsindirdi, dep habarlaıdy QazAqparat tilshisi.

Onyń aıtýynsha, Almatydaǵy epıdemııalogııalyq jaǵdaıdyń kúrt nasharlaýyna baılanysty Qurban Aıt namazy qala meshitterinde oqylmaıdy. Aıt namazynyń ornyna árkim óz úıinde 2 rákat namaz oqýy usynylady.

Sondaı-aq Qurban aıt kúnderi eldiń bazardan mal tańdap alyp, ony óz qolymen soıýyna jáne kópshilik is-sharalardy ótkizýine tyıym salynady.

«Bul jaýapty da, saýapty amaldy Mýftııatqa qarasty meshitter Sharıǵattaǵy ókil qurbandyǵy, ıaǵnı bireýdiń ornyna basqa adam ókil bolyp, qurban shalý qaǵıdasyna súıene otyryp qashyqtan qurban shalýdy uıymdastyrady. Byltyrǵy tájirıbege súıene otyryp, Bas mýftı bastamasymen karantın talaptaryn eskere otyryp, halyqtyń densaýlyǵyn saqtaý maqsatynda qurban shalý sharasyn ótkizý úshin Qurban-2021 atty onlaın qaıyrymdylyq aktsııasy qolǵa alyndy. Ol úshin arnaıy Kurban2021.kz saıty qaıta iske qosyldy»,-dedi qalanyń bas ımamy.

Almaty ókildigi boıynsha qashyqtan qurban shalý isin úılestiretin arnaıy jumys toby qurylǵan.

Olar tapsyrys alýdan bastap, mal soıý, vıdeo esep joldaý, etti muqtaj jandarǵa taratý syndy jumystardy júrgizedi.

«Saıt arqyly qurbandyqqa tapsyrys berý 15 shildeden bastap 22 shilde saǵat 14.00-ge deıin jalǵasady. Pandemııaǵa baılanysty qashyqtan qurban shalýǵa tapsyrys berýshilerge qurban eti berilmeıdi, ol túgeldeı muqtaj jandarǵa tabystalady»,- Almatynyń bas ımamy.


Avtor Alma Muqanova
Basty sózder: Almaty, Qurban aıt, Din, Dinı basqarma,
Joǵary qaraı