Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty lombardtaryna kelgen shyǵyndy óteý ázirge qaralmaıdy – ákim orynbasary

2022 jyldyń 19 qańtar 2022 18:03

ALMATY. QazAqparat- Almatyda lombardtarǵa keltirilgen shyǵyndy óteý ázirge qarastyrylmaıdy. Bul týraly onlaın brıfıng barysynda Almaty qalasy ákiminiń orynbasary Іlııas Óserov málim etti, dep habarlaıdy QazAqparat tilshisi.

Óńirlik ortalyq kommýnıkatsııalar qyzmetinde ótken brıfıngte kásipker Almatydaǵy tártipsizdik kezinde tonalǵan lombardtar týraly surady.

Spıkerdiń sózinshe, lombardtarǵa keltirilgen shyǵyndy óteý máselesi qaraldy, biraq ázirge óteý sharasy qarastyrylmaıdy.

«Lombardtarǵa keletin bolsaq, bul másele «Atameken» bazasynda da qaraldy. Qazirgi ýaqytta lombardtarǵa kelgen shyǵyndy óteý sharasy qarastyrylyp jatqan joq»,- deıdi Іlııas Óserov.

Buǵan deıin ol Almatyda jappaı tártipsizdik kezinde zardap shekken kásipkerlerdiń shyǵyny qalaı óteletinin aıtqan bolatyn.

Aıta keteıik, Almatyda jappaı tártipsizdik kezinde keltirilgen shyǵynnyń jalpy somasy 95 mlrd teńgeden asady.


Joǵary qaraı