Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty kúnine oraı óner murajaıynyń janyndaǵy skver men sýburqaq jańartyldy

2021 jyldyń 19 qyrkúıek 2021 17:08

ALMATY. QazAqparat - Almatyda ótken ǵasyrdyń 70-shi jyldary salynǵan Ábilhan Qasteev atyndaǵy murajaıdyń aldyndaǵy skver men sýburqaq alǵash ret restavratsııalandy, dep habarlaıdy QazAqparat tilshisi.

Qala ákimi Baqytjan Saǵyntaev murajaıdyń irgeles aýmaǵyndaǵy abattandyrý jumysyn kórip qaıtty.

Jóndeý jumysy tarıhı qalyptasqan landshafty kógaldandyrý jobasyna jańa tásilderdi engizý arqyly zamanaýı rekreatsııalyq aımaqpen tolyqtyryldy.

Serýen aımaǵynda kedergisiz orta jasaldy.

Sýburqaqtyń sorǵy júıesiniń jumys prıntsıpi sarqyramamen aýystyrylyp, túngi ýaqytta bul aýmaq jaryq bolýy úshin jaryq júıesi júrgizildi. Jalpy murajaıǵa irgeles búkil aýmaq ózgerdi.

Búginde bul jerde zamanaýı alańy men demalys aımaǵy bar, shaǵyn sáýlettik formalar men oryndyqtar qoıyldy.

2,5 myń sharshy metr aýmaq abattandyrylyp, skverde zamanaýı jaryq júıesi ornatyldy, ıaǵnı 15 projektor qoıyldy.

Almaty qalasy máslıhatynyń depýtaty, ekologııa máseleleri jónindegi turaqty komıssııanyń múshesi Altynaı Kóbeeva kórkeıtýdiń jańa nysandaryn ashý árqashan jaǵymdy dep sanaıdy.

«Bizder, ıaǵnı almatylyqtar qala kúninde keremet syılyqqa ıe boldyq. Aýqymdy abattandyrýdan keıin murajaı aýmaǵy ózgerip, jańa kelbetke ıe boldy. Jasyl jelekke oranǵan bul jerde ýaqytymyzdy jaıly ótkizýge bolady dep oılaımyn», - dedi A. Kóbeeva.

Eske salsaq, Á. Qasteev atyndaǵy QR Memlekettik óner murajaıy - elimizdiń eń iri kórkemsýret murajaıy ári beıneleý óneri salasyndaǵy jetekshi ǵylymı-zertteý men mádenı-aǵartý ortalyǵy.


Joǵary qaraı