Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty kóshelerin qoqystan jappaı tazartý jumystary júrgizilýde

2022 jyldyń 17 qańtar 2022 19:00

ALMATY. QazAqparat - Almatyda kommýnaldyq qyzmetter komendanttyq saǵattan basqa ýaqyttarda shtattyq rejımde jumys istep jatyr. Bul týraly qalalyq Turǵyn úı saıasaty basqarmasynyń basshysy Danııar Qyryqbaev aıtty, dep habarlaıdy QazAqparat tilshisi.

Onyń aıtýynsha, 8 qańtarda qoqys shyǵarý uıymdary aýla aýmaqtary men jeke turǵyn úılerden qatty turmystyq qaldyqtardy shyǵarý jumystaryn bastady. Oǵan 200-den astam tehnıka men 700 jumysshy jumyldyryldy. Qazirgi jaǵdaı boıynsha 10,5 myń tonna qatty turmystyq qaldyq shyǵaryldy.

«9 qańtardan bastap «Almaty Tazalyq» kásiporyn men merdiger uıymdar megapolıstiń kóshe-jol jelisin tazartý boıynsha jappaı jumystar uıymdastyrdy. Oǵan 500-ge jýyq arnaıy tehnıka men 1600 jol jumysshysy jumyldyryldy. Búginde 667 tonna qoqys shyǵaryldy», - dedi spıker.

Sondaı-aq qutqarý qyzmetiniń 93 jumysshysynyń kúshimen jáne 45 birlik arnaıy tehnıkany qoldana otyryp, tártipsizdik barysynda zaqymdanǵan 100 birlik avtokólik, sondaı-aq iri kólemdi qoqys pen qıraǵan ekoposttar shyǵaryldy.


Joǵary qaraı