Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty qaıta qalpyna keltirilip jatyr - fotoreportaj

2022 jyldyń 25 qańtar 2022 09:20

ALMATY. QazAqparat – Jappaı tártipsizdikten keıin Almatyda jaǵdaı birtindep turaqtalyp keledi. Biraq lańkestik qaýiptiliktiń «qyzyl» deńgeıi áli de saqtalýda. Tótenshe jaǵdaı rejımi men komendant saǵaty alyndy. Zaqymdanǵan jáne órtengen ǵımarattar jóndele bastady, keltirilgen shyǵyn eseptelip jatyr. QazAqparat fototilshisi megapolıstiń búgingi kelbetin usynady.

Tártipsizdikter kezinde zardap shekken kóptegen ǵımarattar, dúkender, bankter áli qalpyna keltirilgen joq. Bul – qalanyń ortalyǵyndaǵy búgingi kórinis. Negizinen ǵımarattardyń qasbeti, kireberisi qıraǵan, órtengen. Kóp jerde kóshedegi bankomattar aýystyrylyp, jumys istep tur.




























Jumys komıssııasy jóndeý-qalpyna keltirý jumystaryn qajet etetin 281 shaǵyn jáne orta bıznes nysanyn (8 – kúrdeli, 273 – aǵymdaǵy jóndeý) anyqtady. Onyń 184-i tehnıkalyq saraptamadan ótip jatyr, 87-si memlekettik saraptamaǵa jiberildi, 24-i rastaldy. Qalǵan 97 nysan boıynsha jumystar júrgizilýde.

Zardap shekken nysandardyń basym bóligi ortalyqta oranalasqan: Almaly aýdany (92 nysan), Áýezov aýdany (47 nysan), Medeý aýdany (58 nysan), Túrksib aýdany (33 nysan), Bostandyq aýdany (27 nysan), Jetisý aýdany (9 nysan), Alataý aýdany (8 nysan), Naýryzbaı aýdany (7 nysan).














































Sondaı-aq ákimshilik ǵımarattar qırady, órtendi. Atap aıtar bolsaq, Prezıdent rezıdentsııasy, ákimdik ǵımarattary, Prokýratýranyń quqyqtyq statıstıka komıteti, modýldik postar men polıtsııanyń front-ofısteri, ekopostar, medıtsınalyq mekemeler, telearnalar jáne taǵy basqalary. Búgingi tańda kóptegen nysandar qoqystan tazartyldy. Mamandar tehnıkalyq zertteý júrgizip, shyǵyndy eseptep jatyr. Keıbir ǵımarattarda jóndeý jumystary bastalyp ta ketti.

Qala ákiminiń orynbasary Muhıt Ázirbaevtyń aıtýynsha, smetalyq norma boıynsha jalpy somasy 28,6 mlrd teńgege 10 nysandy qalpyna keltirý jumystarynyń aldyn ala quny eseptelgen. Onyń ishinde jalpy aýdany 33 myń sharshy metr nemese 100% órtten zalal keltirilgen qalalyq ákimdik ǵımaratyn kúrdeli jóndeý jumystary bar.



















Sondaı -aq Almatyda apta sońyna deıin tártipsizdikter kezinde búlingen barlyq páterler qalpyna keltiriledi.

Búgingi kúni megapolıste 7 700 qyzmet kórsetý nysany qaıta jandandy.

120 iri kásiporyn men qalanyń 51 bazary jumysyn bastady.149 azyq-túlik saýda jelileriniń, gıpermarketter men sýpermarketterdiń 146-sy óz qyzmetin qalpyna keltirgen, qalǵan 3-ýi 28 qańtarǵa deıin ashylady. Sonymen qatar, 220 janar-jaǵarmaı quıý beketteriniń 190-ny jumys istep tur.

Budan bólek, Almatydaǵy tártipsizdik kezinde zardap shekken azamattarǵa ótemaqy tólene bastady.

Qańtar oqıǵasynda isten shyqqan «Sergek» kameralary túgel qalpyna keltirildi.

Sonymen qatar, jappaı tártipsizdik kezinde zardap shekken almatylyq kásipkerlerge «Almaty» áleýmettik-kásipkerlik korporatsııanyń kepildigi nemese jartylaı kepildigi arqyly 12 aı merzimge jylyna 2%-ben 10 mln teńgege deıin nesıe beriledi.

Almatyda qańtardaǵy búlikte kóz jumǵandardyń qurmetine panteon salynady.























































































Joǵary qaraı