Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty kásipkerleri shyǵyn ornyn toltyrý úshin qandaı qujattar usynýy kerek

2022 jyldyń 19 qańtar 2022 19:07

ALMATY. QazAqparat - Almaty kásipkerleri múliktik zalaldyń ornyn toltyrý úshin qandaı qujattardy usynýy kerek. Bul týraly Almaty óńirlik kommýnıkatsııalar qyzmetinde qala ákiminiń orynbasary Іlııas Óserov aıtyp berdi, dep habarlaıdy QazAqparat tilshisi.

Onyń málimetinshe, aldymen zardap shekken bıznes ókilderi ótinishti elektrondy nysanǵa «InfoKazakhstan.kz» jiberýi tıis. Bul rette muny senimhat negizinde áreket etetin adamdarǵa jasaýǵa múmkindik bar.

Ótinish berýshi kelesi qujattar paketin usynýy qajet:

- jeke kásipker úshin – JK jeke basyn kýálandyratyn qujattyń kóshirmesi, JK talony;

- zańdy tulǵalar úshin – zańdy tulǵanyń memlekettik tirkelgenin rastaıtyn qujattyń kóshirmesi;

- múlikke menshik quqyǵyn nemese ózge de zattyq quqyqty rastaıtyn qujattar, sáıkestendirý qujattary;

- búlingen múlikti qalpyna keltirýge arnalǵan shyǵystar smetasy;

- búlingen nemese joıylǵan jyljymaly múlik jáne (nemese) taýarlyq-materıaldyq qundylyqtar úshin – baǵalaý týraly esep;

- joǵalǵan (urlanǵan) taýarǵa memlekettik kiris organdarynan, fıskaldyq derekter;

- memlekettik kiris organdarynan, fıskaldyq derekter operatorlarynan ótken jylǵy aınalym somalary týraly málimetterdi suratýǵa jáne alýǵa kelisim;

- ózge de qujattar (foto jáne beınematerıaldar).

Almaty ákiminiń orynbasary kásipker usynǵan qujattar paketin óńirlik komıssııa jáne Qor komıssııasy bes kúntizbelik kún ishinde qaraıtynyn atap ótti.


Joǵary qaraı