Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty qalasy men oblysynda elektr jelisi qalpyna keltirildi – Energetıka mınıstrligi

2022 jyldyń 25 qańtar 2022 15:15

NUR-SULTAN. QazAqparat – QR Energetıka mınıstrligi Qazaqstannyń birneshe aımaǵynda jaryqtyń bolmaýyna qatysty anyqtama berdi, dep habarlaıdy QazAqparat tilshisi atalǵan vedomstvonyń baspasóz qyzmetine silteme jasap.

«2022 jylǵy 25 qańtarda saǵat 11:59-da (Nur-Sultan ýaqyty boıynsha) Ortalyq Azııanyń energııa júıesindegi eleýli avarııalyq teńgerimsizdikke baılanysty «Qazaqstannyń Soltústik-Shyǵys-Ońtústik» 500 kV elektr energııasynyń tranzıtine qýat túsirildi. Nátıjesinde, Qazaqstannyń ońtústik aımaǵy tutynýshylarynyń edáýir bóligin ajyratý arqyly «Qazaqstannyń Soltústik-Shyǵys-Ońtústik» tranzıtiniń avarııalyq bólinýi oryn aldy. Shekteýler kólemi 1500 megavattan asty» delingen habarlamada.

Atap aıtqanda, Almaty qalasy men Almaty oblysynda – 1000 MVt, Jambyl oblysynda – 300 MVt, Túrkistan oblysynda – 500 MVt jáne Qyzylorda oblysynda - 200 MVt.

«Jıiliktiń otyryp qalýy saldarynan (47 Gts-ten tómen) Ózbekstan, Qyrǵyzstan energııa júıeleri tolyq óshirildi. Avtomatıka jumysymen Jambyl GRES, Shymkent JEO-3, Qyzylorda JEO-6 jáne Almaty oblysynyń elektr stantsııalarynyń tolyq óshirilýine jol berilmedi, atalǵan oblystardyń tutynýshylary shamamen 500 MVt elektrmen jabdyqtaldy. Avtomatıkanyń áreketimen Almaty energııa toraby shamamen 700 MVt elektr tutynýdy saqtaı otyryp, oqshaýlanǵan jumysqa bólingen», - deıdi mınıstrlikten.

Habarlamada aıtylǵandaı búgin saǵat 13: 39-da ulttyq elektr jelisiniń Almaty energııa toraby tolyq qalpyna keltirildi. ıAǵnı Almaty jáne Almaty oblysynyń óńirlik elektr jelilik kompanııalary shekteýlerdi alyp tastaýdy júzege asyrdy.

Sondaı-aq, ońtústik oblystardy elektrmen jabdyqtaýdy qalpyna keltirý jumystary jalǵasýda.


Joǵary qaraı