Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty qalalyq sport basqarmasynyń basshysy densaýlyǵyna baılanysty qyzmetinen ketetinin málimdedi

2022 jyldyń 20 mamyr 2022 18:54

ALMATY. QazAqparat – Almaty qalalyq sport basqarmasynyń basshysy Rústem Baıseıtov densaýlyǵyna baılanysty qyzmetinen ketedi. Ol týraly óziniń Іnstagram paraqshasyna jazdy, dep habarlaıdy QazAqparat tilshisi.

Rústem Baıseıtovtiń habarlaýynsha, qańtar oqıǵasy kezinde tıgen oqtyń jaraqaty ony alańdatyp otyr jáne jumys qabileti áli qalpyna kelmegen.

«Bilektiń qozǵalys belsendiligin qalpyna keltirý men ońaltýdyń tolyqqandy kýrsynan ótý kerek bolǵan soń, Almaty qalasy sport basqarmasynyń basshysy laýazymyn bosatyp, densaýlyǵymmen aınalysýǵa sheshim qabyldadym», - dep jazdy ol.

Rústem Baıseıtov, sondaı-aq 2018 jyldyń shilde aıynan bastap almatylyqtarmen birge birshama jetistikterge jetkenin jazdy.

«Bári boldy: jeńis pen jeńilis, ókinish pen qýanysh. Qoǵamdyq saýalnama men UOK moıyndaýy boıynsha Almaty qalasy sońǵy tórt jyldaǵy barlyq keshendi Respýblıkalyq jazǵy jáne qysqy spartakıadalardyń, olımpıadalyq tsıkl oıyndary men jarystarynyń jeńimpazy, Úzdik sport óńiri atandy. Qala basshylyǵynyń qoldaýymen jan basyna qarjylandyrý, sport ınfraqurylymyn arttyrý boıynsha mańyzdy áleýmettik jobalar iske asty, qala aýdandaryndaǵy 6 sport kesheniniń 3-eýi is júzinde aıaqtaldy. Osy jyldar boıy jeńiske jetýde sizdermen birge júrgenimdi maqtan tutamyn», - dep jazdy ol.

Sóz sońynda R.Baıseıtov sporttyń óz ómirinde erekshe oryn alatynyn, uzaqqa sozylmaıtyn ońaltýdan soń almatylyqtarmen basqa josparlarymen birge qaıta kezdesýge úmitti ekenin aıtyp, barlyq qoldaý bildirgenderge alǵysyn jetkizdi.

Eske salaıyq, bıyl Almatyda qańtardaǵy tártipsizdik kezinde Rústem Baıseıtov atys qarýynan jaraqat alǵan edi.


Avtor Dýman Arǵyngeldi
Basty sózder: Almaty, Sport,
Joǵary qaraı