Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty qalalyq densaýlyq saqtaý basqarmasy jedel járdem qyzmetkerleriniń shaǵymyna jaýap berdi

2021 jyldyń 23 qazan 2021 22:22

ALMATY. QazAqparat- Almaty qalalyq densaýlyq saqtaý basqarmasy jedel járdem qyzmetkerleriniń shaǵymyna jaýap berdi, dep habarlaıdy QazAqparat tilshisi.

Aıta keteıik, áleýmettik jelide jedel járdem júrgizýshileri kólikterdi óz esebinen jóndeıdi degen aqparat tarady.

Almaty qalalyq qoǵamdyq densaýlyq saqtaý basqarmasy bul aqparattyń shyndyqqa janaspaıtynyn málim etti.

«Jedel járdem avtokólikterin júrgizýshiler esebinen jóndeý týraly aqparat shyndyqqa janaspaıdy. Avtomashınalardy jóndeý men qyzmet kórsetýdi jedel medıtsınalyq kómek stantsııasyndaǵy avtojóndeý sheberhanasynyń bólimshesi júrgizedi. 2019 jyly 142 mln teńgeden astam somaǵa, 2020 jyly – 140 mln teńgege, 2021 jyldyń 9 aıynda – 49 mln teńgege qosalqy bólshekter aýystyryldy. Sonymen qatar, avtomobılderdi paıdalaný merzimin uzartatyn kúrdeli jóndeý júrgizildi»,- dep habarlady basqarmadan.

Qosalqy bólshekter boıynsha shyǵystar 2021 jyly lızıngke 100 jańa avtomobıl alýǵa baılanysty tómendedi. Olar tehnıkalyq qyzmet kórsetýdi «Hyundai Trans Auto» JShS, «Vıraj-Servıs Kazahstan» JShS, «Lion autocenter Almaty» JShS qyzmet kórsetý ortalyqtarynda ótedi.

«JMKS barlyq brıgadalary belgilengen normatıvke sáıkes jasaqtalǵan. Kadrlardyń turaqtamaýy baıqalmaıdy. Shtat kestesine sáıkes qyzmetkerler sany 3 583 birlikti quraıdy. Onyń ishinde dárigerler 362 birlik, orta medıtsınalyq personal (feldsherler) 1899 birlik, sanıtarlar – 220 birlik, júrgizýshiler – 922 birlik, ózge de personal 180 birlik. 2019 jylmen salystyrǵanda 265 mólsherlemege qysqartý densaýlyq saqtaýdyń basqa sýbektilerine qyzmet kórsetý boıynsha fýnktsııalardy alyp tastaýǵa baılanysty ákimshilik-basqarýshylyq jáne ózge de personaldy ońtaılandyrý esebinen júrgizildi»,-delingen habarlamada.

2021 jyly «Áleýmettik medıtsınalyq saqtandyrý qory» KEAQ JMJS-men 7,4 mlrd teńge somaǵa kelisim shart jasady. QR Prezıdentiniń 2019 jylǵy 19 maýsymdaǵy Jarlyǵyna sáıkes JMKS dárigerleriniń jalaqysy 30%-ǵa, orta medıtsınalyq qyzmetkerlerdiń jalaqysy 20%-ǵa artty. Jalaqy boıynsha kidirister joq.

«Kovıdtik ústemeaqyny tóleý QR DSM 2020 jylǵy 4 sáýirdegi № QR DSM JJM-28/2020 buıryǵyna sáıkes júrgizildi, jedel medıtsınalyq járdem dárigerleri men feldsherleri ekinshi qaýip tobyna (on eselik MRZP - 425 myń teńge), al jedel medıtsınalyq kómek brıgadalarynyń júrgizýshileri úshinshi qaýip tobyna (bes eselik MRZP - 212 myń teńge) jatqyzyldy. 2021 jyldyń qańtar-tamyz aılarynda barlyǵy 6,1 mlrd teńge ústemaqy tólendi (aı saıyn 2,1 myń qyzmetkerge).

Medıtsına qyzmetkerlerin 100% vaktsınalaýǵa baılanysty COVID-19 taralýyn boldyrmaý jónindegi vedomstvoaralyq komıssııanyń sheshimi boıynsha medıtsına qyzmetkerlerin yntalandyrý tásilderi qaıta qaraldy. Aǵymdaǵy jyldyń 1 qazanynan bastap kovıdtik ústemeaqylar jalaqy quramyna engiziledi jáne turaqty sıpatqa ıe bolady. Aldaǵy ýaqytta respýblıkalyq bıýdjet komıssııasynyń qarajat bólý jónindegi sheshimi shyǵady»,- dep atap ótti qalalyq densaýlyq saqtaý basqarmasy.

Jedel medıtsınalyq kómek stantsııasy qyzmetkerleriniń barlyq ótinishteri boıynsha tıisti tekserýler júrgizildi. Jaǵdaı muqııat tekserý júrgizgen densaýlyq saqtaý mınıstrligi men Almaty ákimdiginiń baqylaýynda.

2021 jylǵy 21 qazanda Densaýlyq saqtaý vıtse-mınıstri A.B. Núsipova jáne ÁMSQ Basqarma tóraǵasynyń orynbasary ujymmen kezdesip, oqıǵa ornynda JMJS-daǵy jaǵdaımen tanysty, Almaty qalasynyń qoǵamdyq densaýlyq basqarmasy jaǵdaıǵa obektıvti taldaý júrgizýde, onyń nátıjeleri boıynsha JMKS-daǵy qyzmet pen moraldyq-psıhologııalyq ahýaldy jaqsartý boıynsha usynystar engiziletin bolady.

Budan basqa, joǵaryda atalǵan barlyq máseleni Nur Otan partııasy Almaty qalalyq fılıalynyń partııalyq baqylaý komıssııasy, sondaı-aq Áleýmettik ál-aýqat basqarmasynyń eńbek ınspektory tekserdi.

Basqarma basshylyǵy nemese basqa memlekettik organdar tarapynan JMKS qyzmetkerlerine qysym kórsetilmegenin jáne kórsetilmegenin atap ótken jón. Ujymdyq ótinishke qol qoıǵandardyń ishinde 77 adam 65-i qol qoıýdan óz erkimen bas tartty, óıtkeni ótinish mátinimen tanyspady.

Jedel medıtsınalyq kómek stantsııasy dırektorynyń quqyq qorǵaý organdaryna júginýi — onyń azamattyq quqyǵy. Óıtkeni ony laýazymǵa taǵaıyndaýdyń zańsyzdyǵy týraly dálelder shyndyqqa sáıkes kelmeıdi.

«Attestattaýǵa qatysty kelesilerdi túsindiremiz. JMKS ákimshiligi men eki kásipodaq uıymy arasynda 2020 jylǵy 13 mamyrda 2023 jylǵy 25 aqpanǵa deıin qoldanystaǵy úshjaqty ujymdyq shart tirkelip, bekitildi. Oǵan jáne attestattaý týraly erejege sáıkes JMKS qyzmetkerleri jyl ishinde bir ret attestattaýdan ótedi.

2021 jylǵy 6 qyrkúıekte júrgizýshiler quramy (877 adam) attestattaýdan ótti, 6 qazannan bastap 88 júrgizýshi qaıta attestattaýǵa jiberildi. Qazirgi ýaqytta qaıta attestattaý áli aıaqtalǵan joq

JMKS qyzmetkerleriniń (júrgizýshiler E.K. jáne Sh.A., feldsher T.J.) kópshilik aldynda sóz sóıleýi Almaty halqyna medıtsınalyq qyzmet kórsetý sapasynyń nasharlaýyna ákep soǵýy múmkin uıym ujymyndaǵy jaǵdaıdy turaqsyzdandyrý áreketi retinde baǵalanýy múmkin ekenin ókinishpen aıtýǵa májbúrmiz. Budan basqa, atalǵan adamdar eńbek tártibin buzýshylar bolyp tabylady, eńbek zańnamasyna sáıkes qoldanylǵan tártiptik jazalary bar»,- dep atap ótti basqarmadaǵylar.

Almaty qalasynyń qoǵamdyq densaýlyq basqarmasy medıtsınalyq uıymdardyń barlyq qyzmetkerleriniń quqyqtaryn, ar-namysy men qadir-qasıetin qorǵaý boıynsha qaǵıdatty ustanady jáne daýlardyń barlyq qatysýshylaryn qoldanystaǵy zańnama aıasynda sheshýge shaqyrady.

Joǵary qaraı