Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty HQO-lary azamattardy Ashyq qosymshasy arqyly qabyldaıdy

2021 jyldyń 14 maýsym 2021 09:55

ALMATY. QazAqparat – Teris nemese beıtarap mártebesi bar almatylyqtar halyqqa qyzmet kórsetý ortalyqtarynan memlekettik qyzmetterdi kezeksiz ala alady, dep habarlaıdy QazAqparat tilshisi.

QR Bas memlekettik sanıtarlyq dárigeriniń qaýlysyna sáıkes, 14 maýsymnan bastap HQO-lar Ashyq servısi arqyly klıentterdi qabyldaýǵa kóshedi. Teris nemese beıtarap mártebesi bar almatylyqtar memlekettik qyzmetterdi kezeksiz alýyna bolady.

«Ashyq qosymshasy boıynsha qaladaǵy barlyq HQO-ǵa kirýge qoljetimdi bolady. Qalanyń árbir front-ofısine skanerleý úshin arnaıy derbes QR-kod berildi. QR kodtary ǵımaratqa kire beriste ilinedi», - deıdi «Azamattarǵa arnalǵan úkimet» memlekettik korporatsııasy» KE AQ Almaty qalasy fılıalynyń PR-menedjeri Jańyl Ápetova.

Bul rette kezekke aldyn ala brondaý múmkindigi burynǵysha qalady. Onyń artyqshylyǵy – siz belgilengen ýaqytta operatordyń qabyldaýyna birden óte alasyz.

«Eger qyzmetti alýshyda Ashyq qosymshasy bolmasa, jaqynda ǵana Ashyq fýnktsıonaly engizilgen eGov mobile, Kaspi.kz jáne Halyk Homebank qosymshalaryn paıdalana alady», - dep qosty ol.

Osy qosymshalar bolmasa da, mártebeńizdi HQO qyzmetkerleri JSN boıynsha anyqtaıtyn bolady.


Avtor Alma Muqanova
Basty sózder: Karantın, Almaty,
Joǵary qaraı