Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Almaty Business-2025»: 8 mlrd teńgege 40-tan astam joba maquldandy

2021 jyldyń 18 qańtar 2021 11:58

ALMATY. QazAqparat – Almatyda óńirlik kommýnıkatsııalar qyzmetiniń alańynda «Almaty business – 2025» baǵdarlamasy aıasynda kásipkerlerge qarjylaı qoldaý kórsetý sharalary týraly brıfıng ótti, dep habarlaıdy QazAqparat tilshisi.

Buǵan deıin ákim Baqytjan Saǵyntaevtyń bastamasymen bıznesti qoldaýdyń óńirlik baǵdarlamasy aıasynda «Almaty Finance» nesıelik uıymy qurylǵan bolatyn.

Brıfıngte «Almaty Finance» JShS Basqarma tóraǵasynyń orynbasary Zańǵar Sálimbaev «Almaty Finance» kompanııasy 8,3 mlrd teńge somaǵa 42 jobanyń qarjylandyrylýyn maquldaǵanyn habarlady. Onyń ishinde 26 joba 6,8 mlrd teńge kóleminde qarjylandyryldy. 800 mln teńge somasyndaǵy jobalar egjeı-tegjeıli pysyqtalýda. Jobalardy iske asyrý júzden astam jumys ornyn ashýǵa múmkindik beredi.




Nesıe túrli salalardaǵy jobalardy iske asyrýǵa baǵyttalǵan. Olardyń qatarynda myńnan astam túrli zertteýler júrgizýge qabiletti jańa zerthana ashý, kofe dánderin qýyrý tsehyn qurý, tigin tsehyn iske qosý, jıhaz jáne jıhaz fýrnıtýrasyn, metall buıymdaryn, keńse taýarlaryn, gıgıenalyq quraldardy óndirý, ónerkásiptik park salý, sondaı-aq, IT-ındýstrııa salasyndaǵy jobalar: elektrondyq tólemder men protsessıngtik qyzmetterdi uıymdastyrý, úsh komponentti ıntegratsııalanǵan júıeni qurý sııaqty jobalar bar.

Nesıe kóbinese ónerkásip salasyna – 6 joba, jıhaz ónerkásibine – 5 joba, densaýlyq saqtaý salasyna – 4 joba, bilim berý jáne sport salasyna 2 joba boıynsha berildi. Oǵan jalpy kólemi 6 mlrd teńge bólinedi.




Esterińizge sala keteıik, «Almaty Finance» kompanııasy «Almaty Business-2025» kásipkerlikti damytýdyń óńirlik baǵdarlamasy aıasynda 2019 jyly qurylǵan bolatyn. Kompanııa tek Almaty qalasynda tirkelgen isin jańa bastaǵan jáne jumys istep turǵan bıznesti qarjylandyrady. Nesıeleý jyldyq 2% – ben teńgemen beriledi. Ónerkásiptik parkte bıznesti iske asyratyndar úshin maksımaldy qaryz somasy 70 mln teńge bolmaq. Al qalǵan 6% bıznestiń qalǵan baǵyttary úshin 500 mln teńgege deıingi shekteýli mólsherde beriledi. Nesıe 7 jylǵa deıin aınalym qarajatyn tolyqtyrý jáne ınvestıtsııalyq maqsatta beriledi.

«Almaty Business-2025» kásipkerlikti damytýdyń óńirlik baǵdarlamasy bıznesti júrgizý úshin qolaıly jaǵdaılar jasaýǵa, qarjylandyrýdyń qoljetimdiligin arttyrýǵa, ákimshilik kedergilerdi azaıtýǵa, ShOB ınfraqurylymyn damytýǵa, oqytýǵa, kásipkerlerdi qoldaýǵa jáne ınvestorlardy tartýǵa baǵyttalǵan. Baǵdarlama aıasynda «Qoldaý» kásipkerlik ortalyǵy, «Almaty Finance» jáne «Almaty» mıkroqarjy uıymy quryldy.











Joǵary qaraı