Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty-Bishkek avtojolynda 4 kólik soqtyǵysyp, bir adam mert boldy

2021 jyldyń 30 qyrkúıek 2021 17:01

TALDYQORǴAN.QazAqparat - «Almaty-Bishkek» tasjolynda tórt kólik soqtyǵysyp, bir adam mert boldy, dep habarlaıdy QazAqparat tilshisi.

Almaty oblystyq polıtsııa departamentiniń baspasóz qyzmeti oqıǵanyń bolǵanyn rastady.

«Kólik apaty búgin «Almaty-Bishkek» tasjolynyń 44-shaqyrymynda boldy. Aldyn ala boljam boıynsha, «Nıva-2121» kóliginiń 47 jastaǵy júrgizýshisi rólge ıe bola almaı, «Foton» kóligine soǵylǵan. Artynsha baryp baǵanaǵa soǵylyp, qarsy baǵytqa shyǵyp, «BMW-525» jáne «Mıtsýbısı» kólikterine soqtyǵysqan. Oqıǵa ornynda «Nıva» kóliginiń júrgizýshisi mert boldy. «BMV» kóliginiń 22 jastaǵy jáne mıtsýbısıdaǵy 44 jastaǵy jolaýshysy zardap shekken», - delingen vedomstvonyń habarlamasynda.

Qazir atalǵan fakti boıynsha QR QK 345-baby 3-bóligi boıynsha sotqa deıingi tergeý bastaldy.



Avtor Samal Qabysheva
Basty sózder: Almaty oblysy, Kólik, Jol, Oqıǵa,
Joǵary qaraı