Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty áýejaıynda qaýipsizdik sharalary kúsheıtildi

2022 jyldyń 14 qańtar 2022 13:47

ALMATY. QazAqparat - Kólik polıtsııasy Almaty áýejaıynda qoǵamdyq tártipti qadaǵalaý boıynsha qosymsha sharalar qabyldady, dep habarlaıdy QazAqparat tilshisi.

Almaty qalasy áýejaıyndaǵy jelilik polıtsııa bóliminiń bastyǵy Talǵat Tálipovtyń aıtýynsha, áýejaıdaǵy kólik saqshylary kúsheıtilgen rejımde jumys istep jatyr.

Polıtseıler qoǵamdyq tártip pen júkterdi saqtaýǵa, sondaı-aq izdestirýde júrgen tulǵalardy anyqtaýǵa basa kóńil bólýde.

«Jeke qurammen jolaýshylarǵa barynsha kómek kórsetýge baǵyttalǵan tıisti nusqamalar júrgizilýde. Avıatsııalyq qaýipsizdik qyzmeti ókilderimen birlesip, metall izdeý qurylǵylary arqyly tekseris júrgizilip jatyr. Qazir termınalǵa kirýge tek ushatyn jolaýshylarǵa ruqsat berilgen. Jolaýshylar men olardyń júkteri tekseriledi», - dedi ol.

Osyǵan baılanysty ol jolaýshylardan polıtsııa qyzmetkerleriniń olardyń qujattaryn tekserý kezindegi áreketterine túsinistikpen qaraýyn suraıdy.

«Tyıym salynǵan zattardy saqtaý, tasymaldaý áreketi ákimshilik jáne qylmystyq jaýapkershilikke ákep soqtyratynyn atap ótkim keledi», – dedi Talǵat Tálipov.

Budan basqa shetel azamattarynyń jáne azamattyǵy joq tulǵalardyń QR kóshi-qon zańnamasy talaptaryn saqtaýyna baqylaý kúsheıtilgen.

«Qazirgi ýaqytta elimizdegi sanıtarlyq-epıdemıologııalyq jaǵdaıdyń jaqsarmaı, kerisinshe, kún saıyn SOVІD-19 dıagnozy rastalǵan tulǵalardyń sany artyp otyrǵanyn qaperge alamyz. Osyǵan qaraı, azamattarǵa áýejaılar men basqa da qoǵamdyq oryndarda qaýipsizdik sharalaryn saqtaýlaryn, jeke qorǵaný quraldaryn qoldanýlaryn suraımyz», – dep qosty ol.


Avtor Alma Muqanova
Basty sózder: Qaýipsizdik, Kólik, Polıtsııa, Almaty,
Joǵary qaraı