Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty áýejaıynda 47 jastaǵy er adam polıtseıdiń ar-namysyna tıgeni úshin ustaldy

2021 jyldyń 18 qazan 2021 14:10

ALMATY. QazAqparat – Almaty qalasynyń áýejaıynda polıtsııa Almaty qalasynyń 47 jastaǵy turǵynynyń bılik ókilin qorlaý faktisi boıynsha qylmystyq isti tergeýde.

Ol mas kúıinde aınalasyndaǵylarǵa qoqan-loqy jasap, zańdy talaptarǵa baǵynbaǵan, sondaı-aq polıtsııa qyzmetkerin balaǵattaǵan, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Atalǵan fakt QR QK 378-babynyń 2-tarmaǵy (Bılik ókilin jarııa túrde qorlaý) boıynsha sotqa deıingi tergep-tekserýdiń biryńǵaı tiziliminde tirkelgen. Tergeý amaldary júrgizilip jatyr.

Aıta keteıik, jyl basynan beri Kóliktegi polıtsııa departamenti qyzmettik mindetterin oryndaý kezinde polıtsııa qyzmetkerlerine til tıgizýge, baǵynbaýǵa jáne kúsh qoldanýǵa qatysty 20 faktini tirkedi. Joǵaryda atalǵan barlyq qylmystyq quqyq buzýshylyq fakti boıynsha materıaldar sotqa joldandy.


Basty sózder: Polıtsııa, Zań, Oqıǵa, Almaty,
Joǵary qaraı