Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Almaty ákimi Reseıden kelgen dárigerler qandaı kómek kórsetetinin aıtty

2020 jyldyń 7 shilde 2020 11:35

ALMATY. QazAqparat – Almaty qalasyna koronavırýspen kúreske kómek kórsetý úshin Reseıden bir top maman keldi. Bul týraly qala ákimi Baqytjan Saǵyntaev Іnstagram-daǵy paraqshasynda jazdy, dep habarlaıdy QazAqparat tilshsi.

«Baýyrlas qalalardyń yntymaqtastyǵy týraly kelisimshart sheńberinde Máskeýden Almatyǵa COVID-19 kúreske kómek kórsetý úshin bir top maman keldi. Onyń quramynda densaýlyq saqtaý salasynyń uıymdastyrýshylary, ınfektsıonıster, epıdemıologtar, anestezıologtar, revmatologtar men pýlmonologtar bar»,– dep jazdy Baqytjan Saǵyntaev.

Mamandardyń bir toby ınfektsııalyq statsıonarlardyń jumysyn, aýyr naýqastardyń emdelý hattamalaryn jáne patsıentterdi ornalastyrý jumystaryn baǵalaıdy. Qalǵan top qoǵamdyq densaýlyq basqarmasynyń uıymdastyrý máselelerin, barlyq deńgeıdegi KVI-den emdelýshilerge medıtsınalyq qyzmettiń kórsetilý deńgeıine mán bermek.

«Al zerthanalyq zertteýler júrgizý, jańa statsıonarlardy uıymdastyrý jáne ottegi gazdarymen emdeý máseleleri jeke pysyqtalady. Sondaı-aq Mossanepıdqadaǵalaýdyń epıdemıologtary almatylyq áriptesterimen pikir almasyp, keńes beredi»,– dep atap ótti ákim.

Buǵan deıin Reseıden bir top dárigerdiń Qazaqstanǵa kelgenin habarlaǵan bolatynbyz.


Joǵary qaraı