Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty ákimi nurotandyqtardy qala turǵyndarynyń ózekti máselelerin tıimdi sheshýge shaqyrdy

2022 jyldyń 25 qańtar 2022 21:34

ALMATY. QazAqparat - Almatyda qala ákimi Baqytjan Saǵyntaevtyń tóraǵalyǵymen Nur Otan partııasy qalalyq fılıalynyń saıası keńesiniń otyrysy ótti, dep habarlaıdy QazAqparat tilshisi.

Saıası keńeste qala turǵyndaryn tolǵandyratyn ózekti máselelerdi tıimdi sheshýge nurotandyqtardyń jumysyn qaıta baǵdarlaý mindeti qoıyldy. Sondaı-aq, partııanyń kezekten tys seziniń delegattary saılandy.

Nur Otan partııasynyń Almaty qalalyq fılıaly saıası keńesiniń jumysyna fılıaldyń aktıvi, depýtattar men aýdandyq fılıaldardyń ókilderi qatysty.

Nur Otan partııasy Almaty qalalyq fılıalynyń saıası keńesi Memleket basshysynyń Almatyda konstıtýtsııalyq tártipti ornatý jáne turǵyndardyń qaýipsizdigin qamtamasyz etý úshin qabyldaǵan sharalaryn biraýyzdan qoldady.

Baqytjan Saǵyntaev Memleket basshysynyń tapsyrmalaryn oryndaý aıasynda Almatyda bıznes shyǵyndaryn óteý, sondaı-aq qalanyń zardap shekken ǵımarattary men qurylystaryn qalpyna keltirý boıynsha jumystar belsendi júrgizilip jatqanyn eske saldy.

Nur Otan partııasy Almaty qalalyq fılıalynyń tóraǵasy Baqytjan Saǵyntaev nurotandyqtardyń jumysty qala turǵyndaryn tolǵandyratyn ózekti máselelerdi tıimdi sheshýge baǵyttaýy kerektigin atap ótti.

Partııanyń kezekten tys sezine 28 nurotandyq qatysady. Delegattar qatarynda Nur Otan partııasynyń saıası keńesi men baqylaý-tekserý komıssııasynyń músheleri, sondaı-aq partııanyń aýdandyq fılıaldary men Jas Otan jastar qanatynyń ókilderi bar. Jarǵy qujattaryna súıene otyryp, partııanyń Almaty qalalyq fılıalynyń tóraǵasy, qala ákimi B. Saǵyntaev Nur Otan partııasy Saıası keńesiniń múshesi retinde sezd delegattarynyń qataryna kirdi.


Joǵary qaraı