Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty ákimi kásibi zardap shekken kásipkerlermen kezdesti

2022 jyldyń 14 qańtar 2022 18:02

ALMATY. QazAqparat - Almaty ákimi Baqytjan Saǵyntaev sodyrlar tonap ketken saýda, qoǵamdyq tamaqtaný nysandaryn aralady, dep habarlaıdy QazAqparat tilshisi.

Qala ákimi «Ortalyq ámbebap dúken» saýda úıin aralap kórdi, munda 576 vıtrına sóresi qıraǵan. Sondaı-aq, qazirgi ýaqytta jalǵa alý aqysyn berý toqtatyldy.
Qala ákimi tártipsizdik saldarynan kásipteri zardap shekken kásipkerlermen kezdesti.
Kásipkerlermen kezdesý barysynda Baqytjan Saǵyntaev shaǵyn jáne orta bıznestiń barlyq shyǵyndary óteletinin, saýda zaldary qalpyna keltiriletinin aıtty. Tek ol úshin Úkimet daıyndap jatqan mehanızmniń anyqtalýyn kútý kerek.
Zardap shekken kásipkerlerdiń ótinishterin ýaqtyly pysyqtaý úshin polıtsııa departamentine kásipkerlerdiń ótinishterin qabyldaýdy uıymdastyrýdy tapsyrdy. Osy oraıda «Atameken» UKP konsýltatıvtik kómek kórsetýde.
Baqytjan Saǵyntaev sondaı-aq, «Mobılka», «Planeta elektronıkı» saýda úılerin, «Qorǵan» qarý-jaraq dúkenin, «Solomon» sport taýarlary dúkenin jáne Q.Sátbaev kóshesindegi qoǵamdyq tamaqtaný nysandaryn aralady.
Barlyq derlik nysandarda búlikshiler beınebaqylaý júıelerin ádeıi isten shyǵarǵan. Tonaýshylar eń qundy zattardy alyp ketken nysandardy órtegen, al joǵaryda turatyn páter ıeleri órtti sóndirýge kómektesken.








Joǵary qaraı