Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty ákimdigi qala turǵyndaryna úndeý joldady

2021 jyldyń 16 shilde 2021 02:19

ALMATY. QazAqparat – Almaty ákiminiń orynbasary Erjan Babaqumarov qala turǵyndaryn «Qurban aıt» merekesin onlaın-formatta ótkizýge shaqyrdy, dep habarlaıdy QazAqparat tilshisi.

Almaty qalasy ákiminiń orynbasary Erjan Babaqumarov aýmaqtyq sanıtarlyq-epıdemıologııalyq baqylaý departamentiniń basshysy, qalanyń bas memlekettik sanıtarlyq dárigeri Jandarbek Bekshın jáne qalanyń bas ımamy Tólebı Ospanmen birge karantındik jaǵdaılarda «Qurban aıt» meıramyn merekeleý boıynsha onlaın keńes ótkizdi.

Keńeske aýdandar ákimdikteriniń jáne jaýapty basqarmalardyń basshylyǵy qatysty.

Erjan Babaqumarov qazirgi kúrdeli epıdemıologııalyq jaǵdaıǵa basa nazar aýdardy.

Sońǵy táýlikte megapolıste koronavırýs ınfektsııanyń 850 jaǵdaıy tirkeldi. Osyǵan baılanysty bıyl vırýstyń odan ári taralýyn boldyrmaý maqsatynda «Qurban aıt» merekesi onlaın rejımde ótedi.

Qaıyrymdylyqty qurban2021.kz saıtyna ótinim berý arqyly onlaın jasaýǵa bolady.

Keńes barysynda, sondaı-aq qurbandyqqa shalynatyn janýarlardy satý kezinde qalalyqtardyń densaýlyǵyn «Delta» shtammyn juqtyrýdan qorǵaý máseleleri talqylandy.

Basty mindet – koronavırýs ınfektsııasynyń taralý qaýpin azaıtý. Ákimniń orynbasary Erjan Babaqumarov qalalyq basqarmalar men aýdandardyń ákimdikterine, veterınarlyq jáne tıisti qyzmetterge mereke kezinde ınfektsııanyń aldyn alý jáne karantındik shekteýlerdiń saqtalýyna baqylaýdy kúsheıtý jóninde qajetti sharalar qabyldaýdy tapsyrdy.

Aıta ketsek, «Qurban aıt»merekesiniń onlaın formaty ótken jyly engizilgen bolatyn.

Shekteýler barlyq uıymdarda, sonyń ishinde jeke úı sharýashylyqtary men medreselerde adamdardyń jappaı jınalýy arqyly is-sharalar ótkizýge tyıym salýdy kózdedi.

Sonymen qatar, avtokólikterden jáne jeke úı sharýashylyqtarynan mal soıýǵa tyıym salynady, qurbandyq shalýǵa arnaıy bólingen jerdi qospaǵanda, búkil qala boıynsha mal soıý tsehtary men bazarlarynyń jumysy toqtatyldy.


Avtor Alma Muqanova
Basty sózder: Almaty, Qurban aıt, Ákimdik, Din, Karantın,
Joǵary qaraı