Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Alımentti boryshkerden baspanasy men kóligi esebinen óndirip alý jalǵasady

2021 jyldyń 22 qańtar 2021 13:27

NUR-SULTAN. QazAqparat – Bıyl da boryshkerden alımentti jyljymaıtyn múlik nemese kólik esebinen óndirip alý jalǵasady. Bul týraly QR Ádilet mınıstri Marat Beketaev aıtty, dep habarlaıdy QazAqparat tilshisi.

Shynymen de, 2020 jyly alıment boıynsha boryshty jyljymaıtyn múlik jáne kólik arqyly óndirip alý kórsetkishi 2 ese, keıbir kórsetkish boıynsha 2,5 esege deıin ósti. Nelikten mundaı jaǵdaı oryn aldy? Óıtkeni, 2019 jyly birqatar is-shara qabyldadyq. Sol is-sharalar ótken jyly atalǵan kórsetkishterge qol jetkizýge múmkindik berdi. 2019 jyly Ádilet mınıstrligi, Jeke sot oryndaýshylary palatasy jáne oblystardyń, Nur-Sultan, Almaty, Shymkent qalalarynyń ákimdikterimen úshjaqty memorandýmǵa qol qoıyldy. Atalǵan memorandýmda negizgi eki baǵyt boıynsha belsendi túrde yntymaqtastyqty jolǵa qoıýǵa ýaǵdalastyq. Birinshisi - boryshkerlerdiń qurylǵylaryn anyqtaý, ekinshisi – olardy jaýapkershilikke tartý», - dedi mınıstr onlaın baspasóz máslıhaty barysynda.

Onyń atap ótýinshe, boryshkerlerdi taýyp, olardy ákimshilik jaýapkershilikke tartý úshin ishki ister organdarynyń úlken qoldaýy qajet. Mine, osy turǵyda ákimdikter ádilet organdaryna jan-jaqty qoldaý kórsetti.

«Bizde boryshkerlerden borynshy óndirip alýmen qatar ákimshilik jáne qylmystyq jaýapkershilikke tartý kórsetkishi de artty. Bul aqparattardy biz BAQ-ta jarııalap otyrdyq. Máselen, ótken jyly Nur-Sultan qalasynda boryshkerden sý jańa Toıota Prado kóligi bereshek úshin óndirip alyndy. Bul jumys jalǵasyn tabady jáne basymdyq sanalady», - dedi Marat Beketaev.

Esterińizge sala ketsek, 2020 jyly alıment tóleýden jaltarǵandardan 76 páter men 62 kólik óndirip alynǵan bolatyn.


Joǵary qaraı