Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alıment tólemeı júrgen astanalyq 1 jylǵa sottaldy

2021 jyldyń 15 qyrkúıek 2021 17:02

NUR-SULTAN. QazAqparat – Alıment qaryzy basynan asqan elorda turǵynynyń bas bostandyǵy bir jylǵa shekteldi, dep habarlaıdy QazAqparat qalalyq jeke sot oryndaýshylar palatasyna silteme jasap.

«Jaýapqa tartylǵan azamat qarjylyaı múmkindigi bolǵanyna qaramastan, 2020 jyldyń sáýirinen 2021 jyldyń mamyryna deıin alıment tóleýden jaltarǵan. Saldarynan 3 mln 498 061 teńge bereshek jınalyp qalǵan. Ol óz áreketiniń urys emestigin túsinip, alıment tóleýge daıyn ekenin málime etti», - deıdi Nur-Sultan qalasy boıynsha jeke sot oryndaýshylardyń óńirlik palatasy basshysynyń orynbasary Madına Janasaeva.

Degenmen, sot kezinde onyń alıment tóleýge jaǵdaıy bola turyp, jaltarǵanyn dáleldedeıtin aıǵaqtar belgili bolǵan. Tipti 2018 jyly nesıege avtkólik satyp alyp, 2 jyl boıy úzbeı tólep kelgen. Osynyń bárin eskergen sýdıa onyń bas bostandyǵynan bir jylǵa shektedi.

«Alıment tóleýden jaltarǵan azamat QR Qylmystyq kodeksiniń 139-babynda kózdelgen qylmysty jasaǵany úshin kináli dep tanylyp, 1 jyl merzimge bas bostandyǵyn shekteldi. Sot oǵan mynadaı mindetterdi oryndaýdy júktedi: turaqty turatyn jerin, jumysyn ýákiletti organǵa habarlamaı ózgertpeý; jumystan bos ýaqytta, keshki saǵat 22:00-den tańǵy saǵat 06:00-ge deıin turǵylyqty jerinen ketpeý; ýákiletti organǵa habarlamaı basqa jerlerge shyqpaý. Sondaı-aq, ol bir jyl ishinde 100 saǵat májbúrli eńbekke tartylatyn boldy», - dedi Mádına Janasaeva.


Avtor Esimjan Naqtybaı
Basty sózder: Sot, Nur-Sultan,
Joǵary qaraı