Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Alıment tólemegen boryshkerdiń 2 bólmeli páteri men avtokóligi tárkilendi

2020 jyldyń 12 qarasha 2020 01:50

NUR-SULTAN. QazAqparat – Úsh balasyna 21,6 mln teńge alıment tólemegen boryshkerdiń 2 bólmeli páteri men avtokóligi alyndy, dep habarlaıdy QazAqparat Ádilet mınıstrliginiń saıtyna silteme jasap.

«2017 jyldan bastap boryshkerdiń úsh balasyna jalpy somasy 21 601 205 teńge alıment bereshegi bolǵan. Almaty oblysy Qapshaǵaı qalasynyń jeke sot oryndaýshysy onyń osy qaryzy úshin Almaty qalasynda 2 bólmeli páteri men kóligin tárkiledi», delingen habarlamada.

Alıment boıynsha bereshek, salyq organdarynyń málimetine sáıkes boryshkerdiń aı saıynǵy tabysy 1,2 ml teńge somasynda belgilengennen keıin paıda bolǵan. Sonymen qatar, boryshkerdiń atyna tirkelgen jyljymaly jáne jyljymaıtyn múlik anyqtalyp, olarǵa tyıym salynyp baǵalaý júrgizilgen.

«Boryshker birneshe ret jeke sot oryndaýshysyna shaqyrylyp, balalaryn asyraýǵa alıment tóleý qajettiligi týraly eskertildi. Alaıda ol sot sheshimin oryndaýdan bas tartty. Boryshkerdiń jalpy quny 16 824 112 teńge bolatyn tirkemesi bar «Toyota Camry» markaly avtomashınasy (baǵalaý quny 3 190 290 teńge) jáne 2 bólmeli páteri (baǵalaý quny 13 633 822 teńge) óndirip alýshyǵa zattaı berildi. Qazirgi ýaqytta alıment bereshegi 4 777 093 teńge», delingen habarlamada.

Basty sózder: Sot, QR Ádilet mınıstrligi,
Joǵary qaraı