Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Alıma Esenova: «Qazaqstan halqyna» qory jetimder men múgedekterge kómektesetinine senemiz

2022 jyldyń 19 qańtar 2022 16:00

ÓSKEMEN. QazAqparat – Shyǵys Qazaqstan oblysy Rıdder qalalyq Qoǵamdyq kelisim keńesiniń tóraıymy Alıma Esenova QR Prezıdenti Qasym-Jomart Toqaevtyń Parlament Májilisiniń otyrysynda bergen tapsyrmalaryna pikir bildirdi, dep habarlaıdy QazAqparat tilshisi.

«Qasym-Jomart Kemelulynyń Parlament Májilisiniń otyrysynda jasaǵan málimdemesin muqııat tyńdap shyqtyq. Ózim «Qazaqstan halqyna» qorynyń qurylatyndyǵy jaıly bastamasyn erekshe jyly qabyldadym. Osyndaı qordyń bolǵany áste durys. Sebebi muqtaj jandarǵa nazar aýdarylýy tıis. Ásirese bul qor jetimder men múgedekterge kóp járdemdesedi dep senemiz. Sondaı-aq byltyr Rıdderde bolǵan alapat órtti bilesizder. Osyndaı tótenshe jaǵdaılarda baspanasynan aıyrylyp, qıyn jaǵdaıǵa tap bolǵandarǵa da qordaǵy qarajattan qoldaý kórsetilýi qajet», - dedi Alıma Esenova.

Óz sózinde ol Qazaqstannyń bolashaǵy úshin ár adamnyń mańdaı teri mańyzdy ekendigin jetkizdi.

«Prezıdent halyqty birlikke shaqyrdy. Bárimiz ony qoldap, aıanbaı eńbek etýimiz kerek. Ásirese jastar. Sebebi eldiń erteńi solarǵa baılanysty. Kópultty memleketimizde tatýlyqty kózdiń qarashyǵyndaı saqtaý qajet. Aıadaı Rıdderde túrli etnostar turady. Máselen, bizdiń áýlette 6 túrli ult ókili bar. Bárimiz tatý-tátti, syılastyqta ǵumyr keship jatyrmyz. Birlik, yntymaq bolǵan jerde órkendeý, damý bolatynyn qaperde ustaıyq», - dedi qalalyq Qoǵamdyq kelisim keńesiniń tóraıymy.


Joǵary qaraı