Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Alık Shpekbaev Dúnıejúzilik Sot tóreligi jobasynyń sarapshylar tobymen kezdesti

2021 jyldyń 25 aqpan 2021 11:13

NUR-SULTAN. QazAqparat - Sybaılas jemqorlyqqa qarsy is-qımyl agenttiginiń tóraǵasy Alık Shpekbaev Vashıngtonda ornalasqan Dúnıejúzilik Sot tóreligi jobasynyń (World Justice Project) sarapshylar tobymen kezdesti, dep habarlaıdy QazAqparat.

Agenttik tóraǵasy suhbattasýshylardy saıası jańǵyrtý sharalary men sybaılas jemqorlyqqa qarsy zańnamanyń jańashyldyqtaryna nazar aýdara otyryp, elde júrgizilip jatqan reformalarmen tanystyrdy.

Óz kezeginde «Zań ústemdigi ındeksi» baǵdarlamasy boıynsha dırektor Alısha Evangelıdes Qazaqstannyń sybaılas jemqorlyqqa qarsy saıasatynyń iske asyrylýyn joǵary baǵalap, sybaılas jemqorlyqqa qarsy is-qımyl kórsetkishi (absence of corruption) boıynsha údemeli ósýdi jáne Shyǵys Eýropa men Ortalyq Azııa óńirindegi jetekshi róldi erekshe atap ótti. «Biz odan ári de ilgerileýdi kóretinimizge senimdimin. Qazir sizder aımaqtaǵy kóshbasshylyqqa emes, zor aýqymǵa baǵdarlanatyn deńgeıge jettińizder», - dedi sarapshy.

Sovid-19 pandemııasy kezinde quqyq ústemdigin qamtamasyz etý sharalary sarapshylardyń zor qyzyǵýshylyǵyn týdyrdy. Olar daǵdarys kezeńinde aldyn alý jáne qylmystyq-quqyqtyq sharalar turǵysynan sybaılas jemqorlyqqa qarsy baqylaýdy kúsheıtý týraly aqparatty oń qabyldady.

Sondaı-aq, sheteldik áriptester ólim jazasyn joıý týraly oń pikir bildirdi. Saıası básekelestikti kúsheıtý turǵysynan partııalardy tirkeý úshin shektiń tómendeýi atap ótildi. «Ótken parlament saılaýynyń qorytyndysy boıynsha úsh partııa ótti. Sonymen qosa, Parlamentke óte almaǵan jekelegen partııalar máslıhattar deńgeıinde óz pozıtsııalaryn aıtarlyqtaı nyǵaıtty», - dedi Alık Shpekbaev.

Kezdesý sońynda reıtıng agenttiginiń ókilderi basqa eldermen salystyrǵanda Qazaqstannyń belsendiligine nazar aýdaryp, Antıkor basshysyna sergek bolýǵa múmkindik beretin turaqty ashyq dıalog úshin alǵys bildirdi.


Joǵary qaraı