Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov veterınarlyq qyzmettiń jumysyn reglamentteýdi tapsyrdy

2022 jyldyń 17 mamyr 2022 10:56

NUR-SULTAN. QazAqparat – Veterınarlyq qyzmetterdiń jumysyn reglamentteý jáne ara-jigin ajyratý boıynsha zańnamaǵa tıisti ózgerister engizý qajet. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Mal sharýashylyǵyn damytý naqty veterınarlyq baqylaý vertıkalin uıymdastyrýdy qajet etedi. Aýyl sharýashylyǵy mınıstrligine veterınarlyq qyzmetterdiń jumysyn reglamentteý jáne ara-jigin ajyratý, olardy materıaldyq-tehnıkalyq jaǵynan qamtamasyz etý boıynsha zańnamaǵa tıisti ózgerister engizý jónindegi jumysty jandandyrýdy tapsyramyn», - dedi Álıhan Smaıylov.

Úkimet basshysy taýarlyq mal sharýashylyǵynyń ónimdiligi negizinen selektsııalyq-asyl tuqymdyq jumysqa, ıaǵnı, mal basyn asyldandyrýǵa baılanysty ekendigin basa aıtty.

«Osyǵan oraı Aýyl sharýashylyǵy mınıstrligi sýbsıdııalaý júıesin jetildirý aıasynda osy baǵytty damytýǵa qatysty qoldaý sharalaryn pysyqtaýy qajet», - dedi ol.


Joǵary qaraı