Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov «Rosatom» basshysy Alekseı Lıhachevpen kezdesti

2022 jyldyń 21 mamyr 2022 16:04

NUR-SULTAN. QazAqparat - Reseı tarapy Qazaqstannyń ýran óndirý salasyna ınvestıtsııa salýǵa múddeli. Bul týraly QR Premer-Mınıstri Álıhan Smaıylovtyń Qazaqstanǵa jumys saparymen kelgen «Rosatom» memlekettik korporatsııasynyń bas dırektory Alekseı Lıhachevpen kezdesýi barysynda málim boldy, dep habarlaıdy QazAqparat Úkimettiń resmı saıtyna silteme jasap.

Kezdesý barysynda taraptar energetıka salasyndaǵy yntymaqtastyq, sonyń ishinde ýran óndirý jobalary boıynsha ózara is-qımyldy keńeıtý máselelerin talqylady.

Reseı tarapynyń eki eldiń energetıkalyq qaýipsizdigin nyǵaıtý maqsatynda Qazaqstannyń ýran óndirý salasyna budan aryqaraı da ınvestıtsııa salýǵa múddeli ekeni atalyp ótti.

Sonymen qatar, atom energetıkasy salasyndaǵy yntymaqtastyq perspektıvalary qaraldy.

Kezdesý qorytyndysy boıynsha Álıhan Smaıylov pen Alekseı Lıhachev qoldanystaǵy jobalardy tabysty júzege asyrý úshin ózara is-qımyldy tyǵyz jalǵastyrýǵa jáne tıimdi seriktestiktiń jańa baǵyttaryn talqylaýǵa daıyn ekendikterin rastady.


Joǵary qaraı