Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov Qazaqstanda 5G engizý boıynsha tapsyrma berdi

2022 jyldyń 25 mamyr 2022 15:19

NUR-SULTAN. QazAqparat - QR Premer-Mınıstri Álıhan Smaıylov Qazaqstanda besinshi býyndaǵy uıaly baılanys - 5G-di engizý boıynsha tapsyrmalar berdi, dep habarlaıdy QazAqparat primeminister.kz.

Búgin QR Premer-Mınıstri Álıhan Smaıylov Tsıfrlandyrý máseleleri jónindegi komıssııanyń otyrysyn ótkizdi. Onda memlekettik organdardaǵy bıznes-úderisterdiń reınjınırıngi, azamattar men zańdy tulǵalar týraly málimetterdi túzetýdiń ońaılatylǵan mehanızmin engizý, sondaı-aq besinshi býyndaǵy uıaly baılanysty engizý jáne damytý (5G/IMT) barysy qaraldy.

Birinshi másele boıynsha QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın baıandama jasady. Ol Memleket basshysynyń memlekettik apparat qyzmetin bıýrokratııadan aryltý jónindegi tapsyrmasyn oryndaý aıasynda protsester men memlekettik organdar fýnktsııalarynyń keshendi reınjınırıngi, sondaı-aq qujat aınalymy men eseptilikti qysqartý jumystary júrgizilip jatqanyn, ol merzimder men kezeńderdi eki esege qysqartýdy kózdeıtinin habarlady.

Búgingi tańda 100-den astam bıznes-protsess boıynsha jumys júrip jatyr: onyń 55-i boıynsha reınjınırıng júrgizilse, 35-i memlekettik organdardyń kelisýinde, 43 bıznes-protsess sıpattalyp, rásimdeldi.

Reınjınırıng azamattar men bızneske qyzmet kórsetý ýaqytyn birneshe ese qysqartýǵa múmkindik beredi, jalpy memlekettik organdardyń ózara is-qımylyn jaqsartady.

Osylaısha, azamattar jıi júginetin birqatar qyzmet ońtaılandyryldy, atap aıtqanda, avtokólik satyp alý (15 mın, onlaın qyzmetter arqyly qaıta tirkeý), JShS joıý (1 aı), múgedektikti belgileý (syrttaı kýálandyrý múmkindigi), páterdi qaıta josparlaý (1 kún), eńbekke jaramsyzdyq paraǵyn alý (qashyqtan) jáne taǵy basqasy. Ózgerister jyl sońyna deıin tolyq engiziledi.

Kelesi máseleler boıynsha usynystar jınaqtalǵan: dári-dármekterdi ákelý jáne saraptaý protsesterin transformatsııalaý, azamattardy tegin dári-dármekpen qamtamasyz etý, jer ýchaskelerin satyp alý jáne basqarý, áskerı esepke qashyqtan qoıý jáne basqasy. Olar qazir memlekettik organdarmen talqylanyp jatyr.

Budan bólek, memlekettik organdardyń bıýdjet jáne norma túzýshilik protsesterine reınjınırıng júrgizý Úkimetke strategııalyq mindetterdiń oryndalýyn, eldegi makroekonomıkalyq jaǵdaıdy, ózekti jáne durys derekter negizinde naqty ýaqyt rejıminde ulttyq jobalardyń iske asyrylýyn turaqty baqylap otyrýǵa múmkindik beredi. Bul memlekettik qyzmettiń jańa tsıfrlyq formatqa kóshýine negiz bolmaq.

QR Premer-Mınıstri osy baǵyttaǵy barlyq jumysty sapaly ári ýaqytyly aıaqtaýdy tapsyrdy.

Ekinshi máseleni qaraý barysynda búgingi tańda azamattar memlekettik derekter qoryndaǵy qatelerge baılanysty ártúrli qujattarǵa túzetýler engizip jatatyny atap ótildi.

Jaǵdaıdy ózgertý úshin memlekettik organdardyń málimetterdi túzetýge elektrondyq ótinimderdi qabyldaýǵa servısterdi jarııalap otyrýy usynyldy. Osynyń arqasynda paıdalanýshy notarıýsqa nemese HQKO-ǵa barmaı-aq, ýákiletti memlekettik organǵa tikeleı saýal jibere alady.

Álıhan Smaıylov aıtylǵan tásilderdi qoldap, olardy iske asyrý máselesin egjeı-tegjeıli pysyqtaýdy tapsyrdy.

Kún tártibiniń úshinshi máselesin qaraý kezinde qazirgi ýaqytta Qazaqstanda 5G/IMT besinshi býyndaǵy uıaly baılanys standartyn engizý boıynsha jumystar júrgizilip jatqany atap ótildi. Júrgizilgen synaqtar jaqsy nátıje kórsetti: jıilikti qamtýdyń tıimdi aımaǵy – 10 sharshy km astam, jyldamdyq kórsetkishi – 1,6 Gbıt/s deıin, kidiris deńgeıi – 10 ms kem.

2021 jyly jeke operatorlarǵa Nur-Sultan, Almaty jáne Shymkentte 5G tehnologııasyn testileý quqyǵy berildi.

QR Premer-Mınıstri 5G jelileri úshin jıilikterdi bólý tetikterin qosymsha pysyqtaýdy jáne jańartylǵan usynystardy Komıssııanyń qaraýyna qaıta engizýdi tapsyrdy.


Joǵary qaraı